ევროპულმა საბჭომ საქართველოს შესახებ დასკვნები მიიღო
17 ოქტომბერს ბრიუსელში გამართულ ევროპული საბჭოს შეხვედრაზე ევროკავშირის ლიდერებმა საქართველოზე დასკვნები მიიღეს.
ევროკავშირის ლიდერებმა კიდევ ერთხელ გამოხატეს სერიოზული შეშფოთება საქართველოს მთავრობის ქმედებათა გამო, რომლებიც „ევროკავშირის ფუძემდებლურ ღირებულებებსა და პრინციპებს ეწინააღმდეგება და საფრთხეს უქმნის საქართველოს ევროკავშირში გაწევრიანების პროცესს“, – ნათქვამია ევროპული საბჭოს პრესრელიზში.
შესაბამისად, ევროკავშირის ლიდერებმა ხაზი გაუსვეს საქართველოში დემოკრატიული, ყოვლისმომცველი და მდგრადი რეფორმების გატარების მნიშვნელობას. მათ ქვეყნის მთავრობას ასევე მოუწოდეს, უზრუნველყოს მოახლოებული საპარლამენტო არჩევნების თავისუფლად და სამართლიანად ჩატარება და საერთაშორისო და ადგილობრივი დამკვირვებლებისთვის არჩევნების მიმდინარეობის პროცესზე შეუფერხებელი წვდომა.
„ევროკავშირი მზადაა, მხარი დაუჭიროს ქართველ ხალხს ევროპულ გზაზე. ევროკავშირი ასევე აღიარებს საქართველოს სუვერენიტეტს, დამოუკიდებლობასა და ტერიტორიულ მთლიანობას და ერთგულობს კონფლიქტების მშვიდობიანად მოგვარებას და არაღიარებისა და ჩართულობის პოლიტიკას“, – ვკითხულობთ პრესრელიზში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
