ევროპული სამშვიდობო მექანიზმი: ევროკავშირი საქართველოს თავდაცვის სექტორისთვის 30 მილიონ ევროს გამოყოფს
მაისი 8, 2023

ევროპული სამშვიდობო მექანიზმი: ევროკავშირი საქართველოს თავდაცვის სექტორისთვის 30 მილიონ ევროს გამოყოფს


4 მაისს ევროპის კავშირის საბჭომ ევროპული სამშვიდობო მექანიზმის (EPF) ფარგლებში საქართველოს თავდაცვის ძალებისა და მოლდოვის რესპუბლიკის შეიარაღებული ძალების მხარდაჭერის გადაწყვეტილება მიიღო.

EPF-ის ეს მორიგი დახმარება ორი ქვეყნის თავდაცვის სექტორების საოპერაციო ეფექტიანობას გააუმჯობესებს, ევროკავშირის სტანდარტებთან შესაბამისობაში მოყვანას დააჩქარებს და ურთიერთთავსებადობას შეუწყობს ხელს.  ამის შედეგად კი მოქალაქეები კრიზისებისა და საგანგებო მდგომარეობების დროს მეტად დაცულნი იქნებიან. 

საქართველოსთვის გამოყოფილი 30 მილიონი ევროს მოცულობის დახმარება 36-თვიან პერიოდს მოიცავს. ამ თანხით საქართველოს თავდაცვითი ძალების დანაყოფებისთვის დაფინანსდება არალეტალური აღჭურვილობა, მომარაგება და მომსახურება და საჭიროების მიხედვით — ტექნიკური მომზადება. დამტკიცებული მოწყობილობა მოიცავს საინჟინრო, სამეთაურო-საკონტროლო, სამედიცინო, ლოგისტიკურ და კიბერთავდაცვით აღჭურვილობას.

იმავე გადაწყვეტილების ფარგლებში მოლდოვის რესპუბლიკა თავისი შეიარაღებული ძალების გასაძლიერებლად 40 მილიონი ევროს ოდენობის დახმარების პაკეტს მიიღებს. 

ევროკავშირის უმაღლესი წარმომადგენლის, ჯოზეფ ბორელის თანახმად, ორი ქვეყნისთვის განსაზღვრული დახმარების ეს მესამე პაკეტი  „მკაფიოდ უსვამს ხაზს ევროკავშირის ურყევ ერთგულებას რეგიონის უსაფრთხოებისა და სტაბილურობის მიმართ“ გამოწვევებით სავსე გეოპოლიტიკურ კონტექსტში.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,