ევროპის რეკონსტრუქციისა და განვითარების ბანკს კავკასიაში ახალი დირექტორი ჰყავს

1 სექტემბრიდან ევროპის რეკონსტრუქციისა და განვითარების ბანკის (EBRD) რეგიონულ ხელმძღვანელად კავკასიაში ალკის ვრიენიოს დრაკინოსი დაინიშნა. საქართველოში, აზერბაიჯანსა და  სომხეთში ბანკის ოპერაციებს ის თბილისის ოფისიდან უხელმძღვანელებს.

დრაკინოსი ამ სამი ქვეყნის ეკონომიკის შემდგომი განვითარების მიზნით მჭიდროდ ითანამშრომლებს მთავრობის წარმომადგენლებსა და დაინტერესებულ მხარეებთან. ის, ამასთან, ინვესტიციების, რეფორმებზე პოლიტიკური დიალოგის წარმართვის, მცირე ბიზნესის დაფინანსებისა თუ მათთვის საკონსულტაციო სერვისების მიწოდების საშუალებით შეუწყობს ხელს კერძო სექტორისა და მნიშვნელოვანი ინფრასტრუქტურის განვითარებას.

„მოხარული ვარ, რომ კავკასიაში დავბრუნდი და მოუთმენლად ველი ამ საინტერესო მოვალეობის შესრულების დაწყებას, რეგიონში ჩემს წინა გამოცდილებასა და EBRD-თან მუშაობის სტაჟზე დაყრდნობით“, — აღნიშნა დრაკინოსმა, — „კავკასიის მხარდაჭერა ბანკის მთავარი პრიორიტეტია. რეგიონს შემდგომი განვითარებისა და გლობალურ ეკონომიკაში ინტეგრაციის დიდი პოტენციალი აქვს და მოხარული ვარ, რომ მექნება საშუალება, EBRD-ის ადგილობრივ თანამშრომლებთან ერთად ხელშესახები წვლილი შევიტანო ამ ქვეყნების ეკონომიკურ წარმატებაში“.

ეროვნებით ბერძენი ალკის ვრიენიოს დრაკინოსი EBRD-ში 1993 წლიდან მუშაობს. 1998 წელს ის სომხეთის სათავო ოფისის ხელმძღვანელი გახდა. 2017 წელს კი დრაკინოსი EBRD-ის უზბეკეთის ოფისის ხელმძღვანელად დანიშნეს. 

დამატებითი ინფორმაცია

პრესრელიზი