ევროპის რეკონსტრუქციისა და განვითარების ბანკი საქართველოსთვის ახალ სტრატეგიას ამტკიცებს
დეკემბერი 15, 2021

ევროპის რეკონსტრუქციისა და განვითარების ბანკი საქართველოსთვის ახალ სტრატეგიას ამტკიცებს


ევროპის რეკონსტრუქციისა და განვითარების ბანკმა (EBRD) საქართველოსთვის ახალი, 2022-2027 წლებისთვის განკუთვნილი ქვეყნის სტრატეგია დაამტკიცა.

სტრატეგიას სამი ძირითადი პრიორიტეტი აქვს: ქართული კომპანიების კონკურენტუნარიანობის გაუმჯობესება, ინკლუზიურობის და რეგიონული განვითარების მხარდაჭერა და საქართველოს ეკონომიკის მწვანე გარდაქმნის ხელშეწყობა.

EBRD მიზნად ისახავს კომპანიების — მათ შორის, მცირე და საშუალო საწარმოების — დახმარებას მათი პროდუქტიულობის და მდგრადობის გაზრდის გზით. მაგალითად, ციფრულ ტრანსფორმაციაში ინვესტირებით გაუმჯობესდება საწარმოთა  კონკურენტუნარიანობა და ფინანსებზე წვდომა. გარდა ამისა, ბანკი გააგრძელებს მუშაობას ადგილობრივი კაპიტალის ბაზრის გასაძლიერებლად, რათა კომპანიები დაფინანსების უფრო ფართო არჩევანით უზრუნველყოს.

ბანკი ხელს შეუწყობს ფინანსებზე და საბაზისო მუნიციპალურ მომსახურებებზე წვდომის გაუმჯობესებას, განსაკუთრებით ახალგაზრდების, ქალების და სხვა მარგინალიზებული ჯგუფების უნარების განვითარებას და სამუშაო ადგილების შექმნას არა მარტო თბილისში, არამედ მის ფარგლებს გარეთაც. 

EBRD საქართველოს მწვანე ეკონომიკური გარდაქმნის დაჩქარებაშიც დაეხმარება. ამისათვის ის ხელს შეუწყობს სათბური აირების ემისიის შემცირების და განახლებადი ენერგიის მოხმარების გაზრდის ინიციატივებს. ის, ასევე, მხარს დაუჭერს რეფორმებს სახელმწიფო საწარმოებში — მათ შორის, ენერგიის და რესურსების უფრო ეფექტიანად გამოყენების მიზნით — და განაგრძობს მწვანე ქალაქების პროგრამის გაფართოებას.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,