ევროპის რეკონსტრუქციისა და განვითარების ბანკი (EBRD) მცირე დავების განსახილველად ონლაინ სასამართლოებს შექმნის
ევროპის რეკონსტრუქციისა და განვითარების ბანკი (EBRD) იწყებს საპილოტე პროექტს, რომელიც ქვეყნებს მცირე დავების განსახილველად ონლაინ სასამართლოების გამართვაში დაეხმარება.
EBRD ონლაინ სასამართლოებს დასავლეთ ბალკანეთის, აღმოსავლეთ ევროპის, კავკასიის და ცენტრალური აზიის ქვეყნებში შექმნის. ინიციატივის მიზანია, დაეხმაროს მცირე და საშუალო საწარმოებს, ეფექტიანად დაიცვან საკუთარი უფლებები და ინტერესები და შეამცირონ კომერციული დავების გადაწყვეტისთვის საჭირო ხარჯები.
პირველი სასამართლო პროცესი უკრაინაში გაიმართება. EBRD-ის კვლევის ანგარიშის მიხედვით, კიევში არსებული კომპანიების 49% საკუთარი საქმიანობის მთავარ და ყველაზე ძლიერ დაბრკოლებად სწორედ სასამართლოებს თვლის.
ონლაინ სასამართლოს დროს დავების გადასაწყვეტად მიმდინარე სამართალწარმოება თავიდან ბოლომდე — სარჩელის შეტანიდან განაჩენის გამოტანამდე — ონლაინ ჩატარდება. მსგავსი სასამართლოები ორივე მოდავე მხარისა და მათი წარმომადგენლებისთვის იქნება ხელმისაწვდომი. ინიციატივით უზრუნველყოფილი ონლაინ სერვისები კი მოდავე მხარეებს მართლმსაჯულებისადმი წვდომას და პროცესში მონაწილეობას გაუმარტივებს.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
