ევროპის დღე: ევროკავშირმა და გაეროს სააგენტოებმა ჰაერის დაბინძურების გამზომი მობილური ლაბორატორია გახსნეს
მაისი 15, 2024

ევროპის დღე: ევროკავშირმა და გაეროს სააგენტოებმა ჰაერის დაბინძურების გამზომი მობილური ლაბორატორია გახსნეს


თბილისში, „ექსპო ჯორჯიაში“ ევროპის დღესთან დაკავშირებით გამართული ღონისძიების ფარგლებში, ევროკავშირმა და გაეროს სამმა სააგენტომ საქართველოს გარემოს ეროვნულ სააგენტოსთან ერთად ჰაერის დაბინძურების გამზომი მობილური ლაბორატორია გახსნეს.

ბავშვებს და უფროსებს მიეცათ საშუალება, დაეთვალიერებინათ თანამედროვე ტექნიკით აღჭურვილი ლაბორატორია, რომელიც იკვლევს ჰაერის დაბინძურების ხარისხს და მონაცემებს პირდაპირ გარემოს ეროვნულ სააგენტოს გადასცემს.

მობილური ლაბორატორია პროგრამის, „ჰაერის ხარისხი მოქალაქეთა უკეთესი ჯანმრთელობისთვის“, მიერ ამოქმედდა. პროგრამის მიზანია, გააუმჯობესოს  ჰაერის ხარისხის მონიტორინგი და ანალიზი. ამ პროცესში კი განსაკუთრებული ყურადღება სამრეწველო გამონაბოლქვის რეგულირებას ეთმობა. 

ევროკავშირის მიერ დაფინანსებულ პროგრამას გაეროს სამი სააგენტო — გაეროს განვითარების პროგრამა (UNDP), ჯანდაცვის მსოფლიო ორგანიზაცია (WHO) და გაეროს ეკონომიკური კომისია ევროპისთვის (UNECE) — ავსტრიის გარემოს დაცვის სააგენტოსთან (UBA) თანამშრომლობით ახორციელებს. 

ინიციატივა მიზნად ისახავს ჰაერის ხარისხის მართვის ზონებში ჰაერის ხარისხის მონიტორინგის ქსელის გაუმჯობესებას. ამასთან, განსაკუთრებული ყურადღება მიექცევა ისეთ ტერიტორიებს, როგორიცაა ჭიათურა, სადაც მანგანუმის ღია კარიერული მოპოვების გამო მანგანუმის შემცველი მტვრის “ტოქსიკური” დონე მაღალია. 

დამატებითი ინფორმაცია

პრესრელიზი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,