ევროპარლამენტი საქართველოს მთავრობას მიხეილ სააკაშვილის შეწყალებისა და გათავისუფლებისკენ მოუწოდებს
15 თებერვალს ევროპარლამენტმა საქართველოს ყოფილი პრეზიდენტის, მიხეილ სააკაშვილის ჯანმრთელობის გაუარესების თაობაზე უკიდურესი შეშფოთება გამოთქვა.
ევროპარლამენტის წევრებმა ხაზი გაუსვეს ექსპრეზიდენტის წონის მკვეთრ კლებაზე გაკეთებულ ანგარიშებსა და პატიმრობის პერიოდში მისი მძიმე მეტალებით შესაძლო მოწამვლის შესახებ გამოთქმულ ვარაუდებს. მათ მოუწოდეს საქართველოს ხელისუფლებას, გაათავისუფლონ სააკაშვილი და მისცენ მას საზღვარგარეთ სათანადო მკურნალობის საშუალება. მათ ასევე მოუწოდეს პრეზიდენტ სალომე ზურაბიშვილს, გამოიყენოს თავის კონსტიტუციური უფლება და შეიწყალოს მიხეილ სააკაშვილი. ევროპარლამენტართა აზრით, ეს ნაბიჯები ქვეყანაში პოლიტიკური პოლარიზაციის შემცირებას შეუწყობს ხელს.
მათი თქმით, ის, თუ, მიხეილ სააკაშვილის სახით, როგორ ეპყრობა ქვეყანა თავის პატიმრებს, საქართველოს მიერ ევროპული ღირებულებების და ევროპული მისწრაფებებისადმი ერთგულების ლაკმუსის ტესტია. ამ მისწრაფებებში კი ქვეყნის მიერ ევროკავშირის კანდიდატის სტატუსის მოპოვებაც მოიაზრება.
ამას გარდა, 577 ხმით მიღებულ ევროპარლამენტის რეზოლუციაში ხაზგასმულია იმ ფუნდამენტურ როლზე, რომელიც ოლიგარქმა ბიძინა ივანიშვილმა სააკაშვილის დაკავებაში „პირადი შურისძიების მიზნით“ შეასრულა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
