ევროკომისიამ რუსეთის წინააღმდეგ სანქციების მეცხრე პაკეტის დაწესების წინადადება წამოაყენა
დეკემბერი 9, 2022

ევროკომისიამ რუსეთის წინააღმდეგ სანქციების მეცხრე პაკეტის დაწესების წინადადება წამოაყენა


ევროკომისიის პრეზიდენტმა, ურსულა ფონ დერ ლაიენმა 7 დეკემბერს რუსეთის წინააღმდეგ სანქციების მეცხრე პაკეტის დაწესების წინადადება წამოაყენა.

ევროკომისიის წინადადებით, ევროკავშირის სანქციების სიას კიდევ 200-მდე ფიზიკური და იურიდიული პირი უნდა დაემატოს. სიაში შესულია რუსეთის შეიარაღებული ძალები მთლიანად და ცალკეული ოფიცრები, თავდაცვითი სამრეწველო კომპანიები, სახელმწიფო დუმის და ფედერაციის საბჭოს წევრები, მინისტრები, გუბერნატორები და პოლიტიკური პარტიები. 

„სია მოიცავს ფიგურებს, რომლებიც არსებით როლს ასრულებენ სამოქალაქო მოსახლეობაზე სასტიკ და მიზანმიმართულ სარაკეტო თავდასხმებში, უკრაინელი ბავშვების გატაცებასა და რუსეთში გადაყვანაში და უკრაინული სასოფლო-სამეურნეო პროდუქტების მოპარვაში“, — ნათქვამია ევროკომისიის პრესრელიზში.

მეორე რიგში, ევროკომისია თვლის, რომ სანქციები უნდა დაუწესდეს რუსეთის კიდევ სამ ბანკს. ამაში შედის რუსეთის რეგიონული განვითარების ბანკისთვის ტრანზაქციის სრულად აკრძალვა. 

მესამე რიგში, ევროკომისიის წინადადებით, საჭიროა საექსპორტო კონტროლის ახალი ზომების და შეზღუდვების დაწესება — განსაკუთრებით, ორმაგი დანიშნულების პროდუქციაზე. ამაში შედის ძირითადი ქიმიკატები, ნერვულ-პარალიზური მოქმედების მომწამლავი ნივთიერებები, ელექტრონიკა და ინფორმაციული ტექნოლოგიების კომპონენტები, რომელთა გამოყენებაც რუსულ არმიას შეუძლია.

მეოთხე რიგში, სანქციები რუსეთს უპილოტო საფრენ აპარატებზე წვდომას შეუზღუდავს. გარდა ამისა, ევროკომისიის შეთავაზებით, უნდა აიკრძალოს ახალი ინვესტიციები რუსეთის სამთო მრეწველობის სექტორში.

ურსულა ფონ დერ ლაიენმა ასევე განაცხადა, რომ ევროკომისიის მიზანია, კიდევ ოთხ პროპაგანდისტულ არხს აეკრძალოს ეთერში გასვლა და ყველა სხვა სადისტრიბუციო პლატფორმაზე წვდომა. 

ამავე კვირის დასაწყისში ევროკავშირის მიერ სრულად აიკრძალა რუსეთის საზღვაო ნავთობის იმპორტი. დიდი შვიდეულის ქვეყნები კი რუსული ნავთობის ფასზე ზედა ზღვრის დაწესებაზე შეთანხმდნენ.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს

ივნისი 14, 2024

ევროკავშირი საქართველოს ხელისუფლებას მოუწოდებს, ბოლო მოუღოს დაშინების, მუქარის და ფიზიკური თავდასხმების შემთხვევებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,