ევროკომისია და EIB პარტნიორ ქვეყნებს კლიმატის ცვლილებასთან საბრძოლველად 18 მილიარდი ევროს ინვესტიციით ეხმარებიან
მაისი 2, 2023

ევროკომისია და EIB პარტნიორ ქვეყნებს კლიმატის ცვლილებასთან საბრძოლველად 18 მილიარდი ევროს ინვესტიციით ეხმარებიან


ევროკომისია და ევროპის საინვესტიციო ბანკი (EIB) პარტნიორ ქვეყნებს ევროპის საინვესტიციო სტრატეგიის, „გლობალური კარიბჭის“ (Global Gateway), ფარგლებში 18 მილიარდი ევროთი დააფინანსებენ.

თანხა ევროპის პარტნიორ ქვეყნებში „გლობალური კარიბჭისთვის“ პრიორიტეტულ სფეროებში ინვესტირებას მოხმარდება. ეს სფეროებია კლიმატის ცვლილებასთან ბრძოლა, სუფთა ენერგია და ინფრასტრუქტურა. კერძოდ, ამ პროექტების მიზანი იქნება გლობალურ დონეზე კლიმატის სფეროს დაფინანსებაში არსებული ნაპრალის ამოვსება და პრევენციის, ადაპტაციის და მიტიგაციის მხარდაჭერა.

„,გლობალური კარიბჭე’ აფინანსებს იმ პროექტებს, რომლებიც ჩვენს პარტნიორებს სჭირდებათ — იქნება ეს ბუნებრივი კატაკლიზმების რისკის პრევენცია თუ ტრანსპორტის და ენერგეტიკის სუფთა ინფრასტრუქტურა“, — განაცხადა ევროკომისიის პრეზიდენტმა, ურსულა ფონ დერ ლაიენმა ნიუ-იორკში გამართულ Global Citizen NOW სამიტზე, — „18 მილიარდი ევროს ეს ინვესტიცია მეტი ასეთი პროექტის სწრაფ ამოქმედებას შეუწყობს ხელს. ,გლობალური კარიბჭე’ მთელი მსოფლიოს მასშტაბით დააჩქარებს კლიმატის გარდასახვის სამოქმედო გეგმის შესრულებას, რაც გააუმჯობესებს ადამიანების ცხოვრების ხარისხსა და ჩვენი პარტნიორების ცვლილებებისადმი მზაობას“.

მსოფლიოს მასშტაბით „გლობალური კარიბჭის“ მიზანია, რომ 2021-2027 წლებში გრანტების, შეღავათიანი სესხებისა და კერძო სექტორში საინვესტიციო რისკების შემცირების გზით 300 მილიარდი ევროს ოდენობის ინვესტიციები უზრუნველყოს.

დამატებითი ინფორმაცია

პრესრელიზი

გლობალური კარიბჭის სტრატეგია



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,