ევროკომისარი გაფართოების საკითხებში: „საქართველოში ბოლო დროს განვითარებული მოვლენები საგანგაშოა“

6 თებერვალს გაფართოების საკითხებში ევროკომისარმა, მარტა კოსმა საქართველოში ბოლო დროს განვითარებულ მოვლენებს „საგანგაშო“ უწოდა.

სოციალურ ქსელ X-ზე მან დაწერა, რომ „ქართული ოცნების“ მიერ შეთავაზებული საკანონმდებლო ცვლილებები „უფრო მეტად გამოუთხრის ძირს მოქალაქეთა გამოხატვისა და შეკრების თავისუფლებას“. 

„საქართველოს ხელისუფლებას მოვუწოდებთ, შეცვალოს კურსი და დაუბრუნდეს საქართველოს ევროკავშირის გზას, საქართველოს მოქალაქეების ნების შესაბამისად“, – აღნიშნა მარტა კოსმა. 

მანამდე, 2 თებერვალს, ევროკავშირის უმაღლესმა წარმომადგენელმა, კაია კალასმა დაგმო თბილისში მშვიდობიანი  დემონსტრანტების, ჟურნალისტებისა და პოლიტიკოსების დარბევა და ამას „მიუღებელი“ უწოდა.

„საქართველო კანდიდატი ქვეყნისთვის შესაფერის ვერანაირ მოლოდინს ვერ ამართლებს“, – დაწერა კალასმა X-ზე, – „ევროკავშირი მხარს უჭერს ქართველ ხალხს თავისუფლებისა და დემოკრატიისთვის ბრძოლაში“. 

დამატებითი ინფორმაცია

მარტა კოსის განცხადება X-ზე

კაია კალასის განცხადება X-ზე