ევროკავშირის წარმომადგენლობამ საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტს 219,244 აშშ დოლარის ღირებულების მაღალტექნოლოგიური აღჭურვილობა გადასცა.
სპეციალური აღჭურვილობისა და პროგრამული უზრუნველყოფის მეშვეობით საქართველოს სამართალდამცავ ორგანოებს უკეთ შეეძლებათ კიბერდანაშაულის იდენტიფიცირება, ციფრული მტკიცებულებების შეგროვება და ანალიზი, კრიტიკულ ინფრასტრუქტურაზე მიმართულ კიბერშეტევებზე რეაგირება და სხვადასხვა ელექტრონული მოწყობილობის ციფრული ექსპერტიზა.
ევროკავშირის მიერ გადაცემული აღჭურვილობა განსაკუთრებით გამოსადეგი იქნება ისეთი ტიპის დანაშაულთა გამოსაძიებლად, როგორიცაა ორგანიზებული დანაშაული, ბავშვთა პორნოგრაფია, ფიშინგი/მავნე პროგრამები, ინფორმაციის უკანონო მითვისება/ქურდობა, სხვადასხვა სახის ინტერნეტთაღლითობა და სხვა.
აღჭურვილობა, რომელიც გაეროს პროექტების მომსახურების ოფისმა (UNOPS) „ევროკავშირის უსაფრთხოების, ანგარიშვალდებულებისა და დანაშაულის წინააღმდეგ ბრძოლის” (SAFE) პროგრამის ფარგლებში შეიძინა, საქართველოს უსაფრთხოების სექტორის ეფექტიანობის, პროდუქტიულობისა და ანგარიშვალდებულების გაუმჯობესებას ისახავს მიზნად.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,