ევროკავშირმა და მიგრაციის საერთაშორისო ორგანიზაციამ საქართველოს სანაპირო დაცვას სწრაფი რეაგირების ნავები გადასცეს
ივნისი 17, 2022

ევროკავშირმა და მიგრაციის საერთაშორისო ორგანიზაციამ საქართველოს სანაპირო დაცვას სწრაფი რეაგირების ნავები გადასცეს


16 ივნისს ევროკავშირმა და მიგრაციის საერთაშორისო ორგანიზაციამ (IOM) საქართველოს სანაპირო დაცვას ოთხი თანამედროვე ნავი გადასცეს.

სწრაფი რეაგირების ნავები, რომელთა საერთო ღირებულება დაახლოებით 5 მილიონი ლარია, ფოთსა და ბათუმში განაწილდება. ისინი საქართველოს სანაპირო დაცვას შიდა წყლების პატრულირებაში, სამძებრო-სამაშველო ოპერაციების ეფექტიანობის გაზრდაში და რეაგირების შესაძლებლობების გაუმჯობესებაში დაეხმარება. 

ნავების ძირითადი ტექნიკური მახასიათებლები სანაპირო დაცვის საჭიროებებსაა მორგებული. ეს იმას ნიშნავს, რომ ისინი საქართველოში უკვე არსებულ საზღვაო სამეთვალყურეო აღჭურვილობასთან და სისტემებთან თავსებადები არიან.

„უსაფრთხო და დაცული საზღვრები მნიშვნელოვანია საქართველოს — ისევე, როგორც ნებისმიერი სხვა ქვეყნის — მოქალაქეებისთვის. შავი ზღვის, როგორც ევროკავშირსა და საქართველოს შორის ფიზიკური ხიდის, და მის გარშემო ტერიტორიის უსაფრთხოების უზრუნველყოფა საქართველოსთვის და ევროკავშირისთვის პრიორიტეტს წარმოადგენს“, — ფოთში ჩატარებული ცერემონიის დროს განაცხადა საქართველოში ევროკავშირის წარმომადგენლობის თანამშრომლობის უფროსის მოადგილემ, კატალინ გერმანმა.

ნავები საქართველოს პროექტის, „საზღვრის ინტეგრირებული მართვის მხარდაჭერა საქართველოში“, ფარგლებში გადაეცა. მიგრაციის საერთაშორისო ორგანიზაცია (IOM) პროექტს „ევროკავშირის უსაფრთხოების, ანგარიშვალდებულებისა და საქართველოში დანაშაულის წინააღმდეგ ბრძოლის“ (SAFE) პროგრამის ფარგლებში ახორციელებს.

დამატებითი ინფორმაცია

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,