ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა
ევროკომისიის სწავლა-სწავლების პროცესში ხელოვნური ინტელექტისა (AI) და მონაცემების გამოყენების ეთიკური გზამკვლევი უკვე ქართულ ენაზეცაა ხელმისაწვდომი.
გზამკვლევი, რომელიც პირველად 2022 წლის ოქტომბერში გამოქვეყნდა, განკუთვნილია დაწყებითი და საშუალო სკოლის მასწავლებლებისთვის და განათლების სფეროს სპეციალისტებისთვის, რომლებსაც ციფრული განათლების მცირე ან არანაირი გამოცდილება არ აქვთ.
გზამკვლევი მკაფიოდ განმარტავს ხელოვნური ინტელექტის შესახებ ფართოდ გავრცელებულ მცდარ წარმოდგენებს, რომლებმაც, შესაძლოა, დააბნიოს ადამიანები და გამოიწვიოს უნდობლობა მისი გამოყენებისადმი — განსაკუთრებით განათლების სფეროში.
გზამკვლევში ასევე განხილულია ეთიკური მოსაზრებები და მოთხოვნები, რომლებსაც ის ეფუძნება. ამასთან, მასში მასწავლებლებისა და სკოლების ხელმძღვანელებისთვის შეთავაზებულია პრაქტიკულ რჩევები, თუ როგორაა შესაძლებელი ხელოვნური ინტელექტისა და მონაცემების ეფექტიანად გამოყენება სასკოლო განათლებაში.
სულ ბოლოს, გზამკვლევი მიმოიხილავს ხელოვნური ინტელექტისა და მონაცემების ეთიკური გამოყენების კომპეტენციებს პედაგოგებისთვის და ცნობიერების ამაღლებისა და საზოგადოებასთან ურთიერთქმედების გზებს.
ქართულენოვანი გზამკვლევის 5,000 ნაბეჭდი ეგზემპლარი და თანმდევი საინფორმაციო ბიულეტენი ქვეყნის მასშტაბით გავრცელდება არასამთავრობო ორგანიზაციების, ფორმალური და არაფორმალური განათლების ცენტრების, პროფესიული ასოციაციების, უნივერსიტეტების, მასწავლებელთა პროფესიული განვითარების ეროვნული ცენტრისა და საქართველოს კომუნიკაციების ეროვნული კომისიის მედიაწიგნიერების განყოფილების დახმარებით.
დამატებითი ინფორმაცია
ყველაზე წაკითხული
თემაზე
ახალგაზრდა ევროპელი ელჩები – 10: ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ევროკავშირისა და გაეროს მხარდაჭერით საქართველო ჰაერის ხარისხის მონიტორინგის ქსელს აფართოებს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
