ევროკავშირის საბჭომ საქართველოსა და უკრაინაში გაცემული რუსული პასპორტების არაღიარების გადაწყვეტილება მიიღო
დეკემბერი 12, 2022

ევროკავშირის საბჭომ საქართველოსა და უკრაინაში გაცემული რუსული პასპორტების არაღიარების გადაწყვეტილება მიიღო


8 დეკემბერს ევროპის კავშირის საბჭომ დაამტკიცა გადაწყვეტილება, არ აღიაროს უკრაინის და საქართველოს ოკუპირებულ ტერიტორიებზე რუსეთის მიერ გაცემული სამგზავრო დოკუმენტები. 

უკრაინის და საქართველოს დროებით ოკუპირებულ რეგიონებში ან ამ ტერიტორიებზე მცხოვრები პირებისთვის გაცემულ რუსულ სამგზავრო დოკუმენტებს არ ექნება კანონიერი სამგზავრო დოკუმენტების ძალა. ეს იმას ნიშნავს, რომ ამ დოკუმენტების გამოყენებით შეუძლებელი იქნება შენგენის ვიზის მიღება ან შენგენის სივრცის საზღვრის გადაკვეთა.

„გადაწყვეტილება პასუხია რუსეთის მიერ უკრაინის წინააღმდეგ არაპროვოცირებულ და გაუმართლებელ სამხედრო აგრესიაზე და  ოკუპირებულ ტერიტორიებზე მცხოვრებთათვის რუსული პასპორტების გაცემის პრაქტიკაზე. გარდა ამისა, ეს არის პასუხი რუსეთის 2008 წლის ცალმხრივ გადაწყვეტილებაზე, ეღიარებინა საქართველოს ტერიტორიების, აფხაზეთისა და სამხრეთ ოსეთის დამოუკიდებლობა“, — ნათქვამია ევროკავშირის საბჭოს პრესრელიზში.

გადაწყვეტილების მიზანი ევროკავშირის საერთო სავიზო პოლიტიკის შემუშავება და მისი საგარეო საზღვრების სათანადო ფუნქციონირების უზრუნველყოფაა.

დამატებითი ინფორმაცია

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,