ევროკავშირის მხარდაჭერით აღმოსავლეთ-დასავლეთის ჩქაროსნული ავტომაგისტრალის უბისა-შორაპნის მონაკვეთი გაიხსნა
ნოემბერი 1, 2023

ევროკავშირის მხარდაჭერით აღმოსავლეთ-დასავლეთის ჩქაროსნული ავტომაგისტრალის უბისა-შორაპნის მონაკვეთი გაიხსნა


28 ოქტომბერს ოფიციალურად გაიხსნა აღმოსავლეთ-დასავლეთის ჩქაროსნული ავტომაგისტრალის უბისა-შორაპნის მონაკვეთი. ავტომაგისტრალის ახალი ოთხზოლიანი, 27 კილომეტრის სიგრძის მონაკვეთი 65 ხიდს და 38 გვირაბს მოიცავს.

ეს არის ერთ-ერთი იმ შვიდი მონაკვეთიდან, რომლის მშენებლობასაც ევროკავშირი და ევროპის საინვესტიციო ბანკი (EIB) უჭერს მხარს. ჯამურად ეს მხარდაჭერა EIB-ის დაახლოებით 1 მილიარდი ევროს ოდენობის სესხისა და ევროკავშირის 42 მილიონ ევროზე მეტი ოდენობის გრანტისგან შედგება. ეს დაფინანსება საქართველოში 150 კმ-ზე მეტი სიგრძის საავტომობილო გზების მშენებლობას უზრუნველყოფს.

ავტომაგისტრალი გაფართოებული ტრანსევროპული სატრანსპორტო ქსელის (TEN-T) და შუა დერეფნის (Middle Corridor) მნიშვნელოვან ნაწილს შეადგენს.

EIB-ის ვიცე-პრეზიდენტმა, ტერეზა ჩერვინსკამ, რომელიც პასუხისმგებელია ბანკის საქმიანობაზე საქართველოში, აღნიშნა, რომ ეს პროექტი ევროკავშირსა და საქართველოს ერთმანეთთან კიდევ უფრო აახლოებს. „ევროპის გუნდის მიერ აღმოსავლეთ-დასავლეთის ჩქაროსნული ავტომაგისტრალის — საქართველოს საავტომობილო სატრანსპორტო სისტემის ხერხემლის — მოდერნიზების მხარდაჭერა ხელს უწყობს მსოფლიოსთან ქვეყნის კავშირების დამყარებას, ადგილობრივი მობილობის გაძლიერებასა და ეკონომიკურ ზრდას“, — დასძინა მან.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 25, 2024

აღმოსავლეთ პარტნიორობის ქვეყნების წარმომადგენელმა თორმეტმა ინფლუენსერმა ლატვიასა და ჩეხეთში მოგზაურობა დაასრულა

ივნისი 25, 2024

ევროკავშირის საგარეო საქმეთა საბჭო საქართველოს მიმართ შესაძლო ზომების მიღებაზე საუბრობს 

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,