ევროკავშირის მიერ დაფინანსებულმა შრომის ბაზრის კვლევებმა საქართველოში სამუშაოს მაძიებელთათვის დასაქმების ბარიერები გამოავლინა
სექტემბერი 30, 2022

ევროკავშირის მიერ დაფინანსებულმა შრომის ბაზრის კვლევებმა საქართველოში სამუშაოს მაძიებელთათვის დასაქმების ბარიერები გამოავლინა


საგრანტო პროექტმა, Skills4Jobs, საქართველოში ევროკავშირის დაფინანსებით შესწავლილი 12 შრომითი ბაზრის კვლევის შედეგები წარმოადგინა.

კვლევამ საქართველოს რეგიონებში ადგილობრივი შრომის ბაზრები შეაფასა და სამუშაოს მაძიებელთა წინაშე არსებული ბარიერები განსაზღვრა.

კვლევის მიერ გამოვლენილი ერთ-ერთი ძირითადი ბარიერია სამუშაოს მაძიებელთა დაბალი კვალიფიკაცია, რასაც ხშირად თან სდევს სამუშაო გამოცდილების ნაკლებობა, საკუთარი ცოდნის და უნარების არასწორი აღქმა და ანაზღაურებასთან დაკავშირებული გადაჭარბებული მოლოდინები. 

კვლევის მიხედვით, შრომის ბაზრის მეორე პრობლემა რეგიონებიდან შრომითი რესურსების მიგრაციაა. კიდევ ერთი დამაბრკოლებელი ფაქტორი კი პოტენციურ დამსაქმებლებსა და პროფესიულ სასწავლებლებს შორის არასაკმარისი თანამშრომლობა გახლავთ.

„წარმოდგენილი კვლევები განათლების და მეცნიერების სამინისტროსა და პროფესიული უნარების სააგენტოს პროფესიული განათლების სისტემის პოლიტიკის შემუშავებაში დაეხმარება. დარწმუნებულები ვართ, საგანმანათლებლო დაწესებულებები ასევე გაითვალისწინებენ კვლევის მიგნებებს და რეკომენდაციებს პროფესიული პროგრამების დანერგვის დროს“, — განაცხადა საქართველოს განათლების და მეცნიერების სამინისტროს პროფესიული განათლების განვითარების დეპარტამენტის უფროსის მოადგილემ, ნათია გვირჯიშვილმა.

დამატებითი ინფორმაცია

პრესრელიზი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,