ევროკავშირის განცხადებით, აფხაზეთსა და ეგრეთ წოდებულ სამხრეთ ოსეთში რუსეთის „საპრეზიდენტო არჩევნები“ უკანონოა

ევროკავშირი მიიჩნევს, რომ აფხაზეთისა და ეგრეთ წოდებული სამხრეთ ოსეთის ოკუპირებულ რეგიონებში რუსეთის ეგრეთ წოდებული „საპრეზიდენტო არჩევნებისთვის“ საარჩევნო უბნების საქართველოს მთავრობის თანხმობის გარეშე გახსნა უკანონოა. ამ განცხადებას საქართველოში ევროკავშირის წარმომადგენლობის მიერ Facebook-ზე გამოქვეყნებულ პოსტში ვკითხულობთ.

„ევროკავშირი სრულად ერთგული რჩება საქართველოს სუვერენიტეტის, დამოუკიდებლობისა და ტერიტორიული მთლიანობის მიმართ“, — ნათქვამია პოსტში.

ევროკავშირმა ასევე განაცხადა, რომ „არჩევნები“ ჩატარდა „უაღრესად შემზღუდველ გარემოში, გაზრდილი სისტემური შიდა რეპრესიებისა და კრიტიკული ხმების ჩახშობის პირობებში, ეუთო/ოდირის დაკვირვების გარეშე“.

„ეს ეწინააღმდეგება რუსეთის ვალდებულებებს ეუთოს მიმართ და ართმევს რუს ამომრჩევლებსა და რუსეთის ინსტიტუტებს ამ არჩევნების მიუკერძოებელი და დამოუკიდებელი შეფასების უფლებას“, — ნათქვამია ევროკავშირის უმაღლესი წარმომადგენლის, ჯოზეფ ბორელის განცხადებაში. 

გარდა ამისა, ევროკავშირმა მკაცრად დაგმო ეგრეთ წოდებული „არჩევნების“ უკანონოდ ჩატარება უკრაინის რუსეთის მიერ დროებით ოკუპირებულ ტერიტორიებზე: ყირიმის ავტონომიურ რესპუბლიკასა და ქალაქ სევასტოპოლში, ასევე დონეცკის, ლუჰანსკის, ზაპოროჟიეს და ხერსონის ოლქების ზოგიერთ ნაწილში.

დამატებითი ინფორმაცია

პრესრელიზი