ევროკავშირის დაძმობილების პროექტი საქართველოს ბაზარზე ზედამხედველობის სააგენტოს დაუჭერს მხარს
თებერვალი 6, 2024

ევროკავშირის დაძმობილების პროექტი საქართველოს ბაზარზე ზედამხედველობის სააგენტოს დაუჭერს მხარს


ევროკავშირმა და საქართველომ ევროკავშირის მიერ დაფინანსებული დაძმობილების პროექტი, „საქართველოს ბაზარზე ზედამხედველობის სააგენტოს შესაძლებლობების გაძლიერება“, დაიწყეს.

პროექტის მიზანია, ხელი შეუწყოს ევროკავშირსა და საქართველოს შორის ხელმოწერილი ასოცირების შეთანხმების (AA)/ღრმა და ყოვლისმომცველი თავისუფალი სავაჭრო სივრცის შესახებ შეთანხმებისა (DCFTA) და ბაზრის ზედამხედველობის სფეროში ენერგეტიკული თანამეგობრობის ხელშეკრულებით განსაზღვრული ვალდებულებების ეფექტიანად შესრულებას.

დაძმობილების პროექტის ექსპერტები  ქართველ პარტნიორებს ევროკავშირში არსებული რეგულირების საუკეთესო პრაქტიკისა და ქვეყანაში არსებული გარემოებების გათვალისწინებით დაეხმარებიან  საკანონმდებლო ცვლილებების პაკეტის შემუშავებაში.

პროექტის ექსპერტები ასევე ჩაატარებენ ტრენინგებს  ევროკავშირის ბაზარზე ზედამხედველობის სფეროში არსებული დირექტივების მთავარ საკითხებზე. ტრენინგები დაახლოების პროცესის დაუბრკოლებლად წარმართვას და  საქართველოს ბაზარზე ზედამხედველობის სააგენტოსა და შესაბამისი დაინტერესებული მხარეების (ბიზნესი, მომხმარებლები) გარდამავალი პროცესისთვის მომზადებას შეუწყობს ხელს. 

პროექტს ახორციელებს ლიეტუვის რესპუბლიკის მომხმარებელთა უფლებების დაცვის სახელმწიფო უწყება (SCRPA), პოლონეთის კონკურენციისა და მომხმარებელთა დაცვის სამსახურთან (UOKiK) და გერმანიის ეკონომიკისა და კლიმატის დაცვის ფედერალურ სამინისტროსთან (BMWK) პარტნიორობით.

დამატებითი ინფორმაცია

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,