ევროკავშირის წყლის ინიციატივა აღმოსავლეთ პარტნიორობის ქვეყნების მდინარეებსა და ტბებში წყლის ხარისხს აფასებს

პროექტის, „ევროკავშირის წყლის ინიციატივა პლუსი“ (EUWI+), ფარგლებში აღმოსავლეთ პარტნიორობის ქვეყნების საპილოტე რეგიონებში წყლის რესურსები შეფასდა. შეგროვებულ მონაცემებს ადგილობრივი ექსპერტები ცხრა მდინარის აუზის მართვის გეგმის (RBMP) შესამუშავებლად გამოიყენებენ. მათ ამაში პროექტის ექსპერტთა გუნდი დაეხმარება.

შეფასებებისას გამოყენებული ინდიკატორები წყლის რესურსების არა მხოლოდ ახლანდელ ხარისხს ააშკარავებს, არამედ, გარემოზე სავარაუდო ზემოქმედებათა გათვალისწინებით, სამომავლო პროგნოზებსაც აკეთებს. ამ კვლევათა შედეგების საფუძველზე განისაზღვრება, თუ რა ღონისძიებები უნდა გატარდეს შესაბამისი მდინარეებისა და ტბების მდგომარეობის გასაუმჯობესებლად და ეკოლოგიური ამოცანების შესასრულებლად.

იმისათვის, რომ მოპოვებული კომპლექსური მონაცემები ადვილად გასაგები გამხდარიყო, პროექტმა, EUWI+, დინამიკური საინფორმაციო პანელი და რუკა შექმნა. დინამიკური საინფორმაციო პანელი აღმოსავლეთ პარტნიორობის ექვს ქვეყანაში არსებული ცხრა მდინარის აუზის 5,828 ზედაპირული წყლის ობიექტზე ჩატარებული რისკის შეფასების შედეგებს აღწერს.

პროექტი, EUWI+, საქართველოსა და აღმოსავლეთ პარტნიორობის დანარჩენ ხუთ ქვეყანას წყლის რესურსთა მართვის პოლიტიკასთან დაკავშირებული კანონმდებლობის გაუმჯობესებაში ეხმარება. ამ პროცესში განსაკუთრებული ყურადღება ტრანსსასაზღვრო მდინარეების აუზების მართვის საკითხს ეთმობა.

დამატებითი ინფორმაცია

პრესრელიზი

ევროკავშირის წყლის ინიციატივამ დნეპრის აუზში  67,000-ზე მეტი პოლუტანტი აღმოაჩინა