ევროკავშირი „უცხოური გავლენის გამჭვირვალობის შესახებ“ კანონს უარყოფითად აფასებს
ევროკავშირმა „საქართველოსთვისა და მისი ხალხისთვის ძალიან ცუდი განვითარება“ უწოდა „უცხოური გავლენის გამჭვირვალობის შესახებ“ კანონს, რომელიც, მასშტაბური პროტესტის მიუხედავად, საქართველოს პარლამენტმა 7 მარტს პირველი მოსმენით მიიღო.
ევროკავშირის თანახმად, ახლანდელი ფორმით, კანონი „უარყოფითი ზემოქმედების საფრთხეს“ წარმოადგენს სამოქალაქო საზოგადოების და მედია ორგანიზაციებისთვის. ამასთან, ის უარყოფით გავლენას მოახდენს საქართველოს უამრავ მოქალაქეზე, რომლებისთვისაც ამ ორგანიზაციების საქმიანობას სარგებელი მოაქვს.
„ეს კანონი ევროკავშირის ღირებულებებთან და სტანდარტებთან შეუთავსებელია. ის ეწინააღმდეგება საქართველოს მიერ ევროკავშირში გაწევრიანებასთან დაკავშირებით გაცხადებულ მიზანს, რომელსაც მხარს უჭერს საქართველოს მოქალაქეების დიდი უმრავლესობა. მის საბოლოო მიღებას, შესაძლოა, ჩვენი ურთიერთობებისთვის სავალალო შედეგები მოჰყვეს“, — ნათქვამია ევროკავშირის უმაღლესი წარმომადგენლის, ჯოზეფ ბორელის განცხადებაში.
ევროკავშირი მოუწოდებს საქართველოს, დარჩეს დემოკრატიის, კანონის უზენაესობის და ადამიანის უფლებების დაცვის მოვალეობების ერთგული და ახსენებს მას, რომ ადამიანებს აქვთ მშვიდობიანი პროტესტის უფლება.
დამატებითი ინფორმაცია
ყველაზე წაკითხული
თემაზე
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ევროკავშირისა და გაეროს მხარდაჭერით საქართველო ჰაერის ხარისხის მონიტორინგის ქსელს აფართოებს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
