ევროკავშირი „უცხოური გავლენის გამჭვირვალობის შესახებ“ კანონპროექტს შემაშფოთებელს უწოდებს
„უცხოური გავლენის გამჭვირვალობის შესახებ“ კანონპროექტი, რომელიც საქართველოს პარლამენტს განსახილველად ახლახან წარედგინა, სერიოზულ შეშფოთებას იწვევს, აღნიშნულია ევროპის საგარეო ქმედებათა სამსახურის პრესრელიზში.
„სამოქალაქო საზოგადოების ორგანიზაციებისთვის ხელსაყრელი გარემოს შექმნა-შენარჩუნება და მედიის თავისუფლების უზრუნველყოფა დემოკრატიის საფუძველს წარმოადგენს. ის, ამასთან, არსებითია ევროკავშირში გაწევრიანების პროცესისთვის და არის 12 პრიორიტეტის ნაწილი: კერძოდ, მე-7 პრიორიტეტის, რომელიც მედიის თავისუფლებას ეხება და მე-10 პრიორიტეტის, რომელიც სამოქალაქო საზოგადოების ჩართულობას ეხება“, — ნათქვამია პრესრელიზში.
ევროკავშირი ხაზს უსვამს, რომ ის მხარს უჭერს საქართველოს ძალისხმევას რეფორმების განხორციელების კუთხით, რაც თანხვედრაშია ქვეყნის განვითარებასა და ევროკავშირში გაწევრიანებასთან დაკავშირებულ მისწრაფებებთან. აღნიშნულის გათვალისწინებით, კანონპროექტის მიღება შეუთავსებელი იქნება როგორც ამ მისწრაფებებთან, ისე ევროკავშირის ნორმებთან და ფასეულობებთან.
ევროკავშირი მოუწოდებს საქართველოს პოლიტიკურ ლიდერებს, მიიღონ და განახორციელონ რეფორმები, რომლებიც შეესაბამება ევროკავშირში გაწევრიანების გაცხადებულ და საქართველოს მოსახლეობის უმრავლესობის მიერ მხარდაჭერილ მიზანს.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
