ევროკავშირი უკრაინის და საქართველოს ოკუპირებულ ტერიტორიებზე გაცემული რუსული სამგზავრო დოკუმენტების არაღიარებაზე შეთანხმდა
12 ოქტომბერს ევროკავშირის ელჩები შეთანხმდნენ, რომ ევროპარლამენტს უკრაინაში და საქართველოში გაცემული რუსული სამგზავრო დოკუმენტების არაღიარების წინადადება წარუდგინონ.
გადაწყვეტილება უკრაინის წინააღმდეგ რუსეთის არაპროვოცირებულ და გაუმართლებელ სამხედრო აგრესიასა და ოკუპირებული ტერიტორიების მოქალაქეებისთვის რუსული პასპორტების გაცემის პრაქტიკაზე საპასუხო ქმედებაა. გარდა ამისა, ეს არის პასუხი რუსეთის 2008 წლის ცალმხრივ გადაწყვეტილებაზეც, რომლის თანახმადაც, მან საქართველოს ტერიტორიების, აფხაზეთისა და ეგრეთ წოდებული სამხრეთ ოსეთის დამოუკიდებლობა აღიარა.
უკრაინის და საქართველოს ოკუპირებულ ტერიტორიებზე ან იქ მცხოვრები პირებისთვის გაცემულ რუსულ პასპორტებს არ ექნება ვიზის მისაღებად ან შენგენის სივრცის საზღვრის გადასაკვეთად საჭირო კანონიერი სამგზავრო დოკუმენტების ძალა.
ევროკავშირის სახელმწიფოები ამ რეგიონებში გაცემულ რუსულ სამგზავრო დოკუმენტებს ან უკვე აღარ ცნობენ კანონიერად, ან მათი არაკანონიერად მიჩნევის პროცესში არიან. შესაბამისად, ევროკავშირის ელჩების გადაწყვეტილების მიზანი საერთო მიდგომის შემუშავებაა, რაც საგარეო საზღვრების სათანადო დაცვას და ერთიანი სავიზო პოლიტიკის გატარებას უზრუნველყოფს.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
