ევროკავშირი ტექნოლოგიების სფეროში ქალთა როლის გასაძლიერებლად ახალ პროექტს იწყებს
22 მარტს ევროკავშირმა დაიწყო ახალი ფართომასშტაბიანი პროექტი, „ქალების მენტორობა ტექ პროგრამებში“, რომელსაც თბილისში მდებარე ბიზნესისა და ტექნოლოგიების უნივერსიტეტი (BTU) განახორციელებს.
პროექტის მთავარი მიზანია ციფრულ სფეროში ადამიანური რესურსების, კერძოდ, გოგოებისა და ქალთა ჩართულობის გაძლიერება საქართველოში.
ინიციატივა სამ ნაკადად მოიზიდავს 1,100 ბენეფიციარსა და 320 მენტორს. ამასთან, რეგიონული მრავალფეროვნების ხელშესაწყობად მონაწილეთა ერთ მესამედს დედაქალაქის გარეთ, რეგიონებიდან შეარჩევენ.
ხუთთვიანი ინტენსიური მენტორობის სესიები შემდეგ ხუთ ძირითად ტექნოლოგიურ სფეროს მოიცავს: კიბერუსაფრთხოება, Front-end დეველოპმენტი, გრაფიკული დიზაინი, ციფრული მარკეტინგი და UX/UI დიზაინი.
„ვამაყობთ, რომ მხარს ვუჭერთ ქალების მენტორობის ფართომასშტაბიან პროგრამას გენდერული თანასწორობისა და ციფრული ინკლუზიის მხარდასაჭერად“, — განაცხადა ევროკავშირის ელჩმა პაველ ჰერჩინსკიმ თბილისში ჩატარებულ პროექტის გახსნის ღონისძიებაზე — „მსგავს ინიციატივებში ინვესტირებით მიზნად ვისახავთ, აღმოვფხვრათ უნარ-ჩვევების დანაკლისი საინფორმაციო და საკომუნიკაციო ტექნოლოგიების სექტორში და მივცეთ ქალებს ციფრულ ეპოქაში განვითარების შესაძლებლობა, რაც საბოლოო ჯამში საქართველოს ეკონომიკურ ზრდასა და სტაბილურობას შეუწყობს ხელს“.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
