ევროკავშირი საყოველთაო ფასეულობების მხარდამჭერი პროგრამისთვის 1.5 მილიარდ ევროს გამოყოფს
დეკემბერი 13, 2021

ევროკავშირი საყოველთაო ფასეულობების მხარდამჭერი პროგრამისთვის 1.5 მილიარდ ევროს გამოყოფს


9 დეკემბერს — ადამიანის უფლებათა დაცვის საერთაშორისო დღის წინ და დემოკრატიის სამიტის პარალელურად — ევროკავშირმა გლობალური ევროპის ადამიანის უფლებების და დემოკრატიის პროგრამა დაიწყო.

1.5 მილიარდი ევროს ღირებულების ინიციატივა დაეხმარება ევროკავშირს, 2021-2027 წლების განმავლობაში მთელი მსოფლიოს მასშტაბით დაუჭიროს მხარი ადამიანის უფლებების და ძირითადი თავისუფლებების, დემოკრატიის და კანონის უზენაესობის დაცვას. პროგრამა ასევე მიზნად ისახავს სამოქალაქო საზოგადოებრივი ორგანიზაციების და ადამიანის უფლებადამცველთა მხარდაჭერას და დაცვას. 

უფრო კონკრეტულად, ინიციატივა ხელს შეუწყობს ადამიანის უფლებების უნივერსალურად დაცვას, გააძლიერებს კანონის უზენაესობას და ანგარიშვალდებულებას ადამიანის უფლებების დარღვევისა და ბოროტად გამოყენების კუთხით და უზრუნველყოფს ძირითადი თავისუფლებების — მათ შორის, გამოხატვის თავისუფლების და მედიის დამოუკიდებლად მუშაობის ხელშეუხებლობას. ამავდროულად, პროგრამა ისარგებლებს იმ შესაძლებლობებით და იბრძოლებს იმ რისკების წინააღმდეგ, რომლებიც ციფრულ და ახალ ტექნოლოგიებს უკავშირდება.

„გლობალური ევროპის ადამიანის უფლებების და დემოკრატიის პროგრამა საშუალებას მოგვცემს, გავაძლიეროთ ადამიანის საყოველთაო უფლებების და დემოკრატიული პრინციპების მხარდაჭერა მთელ მსოფლიოში: ყველასთვის, ყველგან და ყოველთვის“, — აღნიშნა ევროკავშირის უმაღლესმა წარმომადგენელმა, ჟოზეფ ბორელმა.

გლობალური ევროპის ადამიანის უფლებების და დემოკრატიის პროგრამის საქმიანობა ევროკავშირის ფარგლებს გარეთ არსებულ ნებისმიერ ქვეყანას მოიცავს. ის ევროკავშირის იმ პროგრამების საქმიანობას განავრცობს, რომლებიც ადგილობრივ, ეროვნულ და რეგიონულ დონეზე ფუნქციონირებენ.

პროგრამა ადგილობრივ სამოქალაქო საზოგადოებების აქტივობას პარტნიორი ქვეყნების მთავრობების თანხმობისგან დამოუკიდებლად, მოქნილი პროცედურებით დაუჭერს მხარს. 

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,