ევროკავშირი სამხრეთ კავკასიასა და საქართველოში კრიზისის საკითხებში სპეციალური წარმომადგენლის მანდატს აგრძელებს
20 ივლისს ევროპის კავშირის საბჭომ სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენლის (EUSR) მანდატი ერთი წლით, 2024 წლის 31 აგვისტომდე გააგრძელა.
ეს თანამდებობა ამჟამად ესტონელ დიპლომატს, ტოივო კლაარს უკავია.
კლაარი სამხრეთ კავკასიასა და საქართველოში კრიზისის საკითხებში EUSR-ად 2017 წლის 13 ნოემბერს დაინიშნა. მისი მოვალეობა რეგიონში — კერძოდ, საქართველოსა და მთიან ყარაბაღში — არსებული კონფლიქტების მშვიდობიანი გზით გადაწყვეტის ხელშეწყობაა. მას ასევე ევალება, წაახალისოს რეგიონული თანამშრომლობა აზერბაიჯანს, საქართველოსა და სომხეთს შორის და, შესაფერის სიტუაციებში, ხელი შეუწყოს ამ ქვეყნების ურთიერთობას მეზობელ სახელმწიფოებთან.
ევროკავშირის სპეციალური წარმომადგენლების კანდიდატურას უმაღლესი წარმომადგენელი კონკრეტულ რეგიონებსა თუ ქვეყნებში ევროკავშირის პოლიტიკისა და ინტერესების მხარდასაჭერად წარადგენს.
დამატებითი ინფორმაცია
ყველაზე წაკითხული
თემაზე
ბორელი მკაცრად გმობს საქართველოში მომიტინგეთა მიმართ ძალადობას
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
