ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს

11 ივნისს ოზურგეთის ტექნოპარკში ევროკავშირის მიერ დაფინანსებული ახალი პროექტის, „REDI: სოფლის გაძლიერება ციფრული ჩართულობის გზით“, პრეზენტაცია გაიმართა.

REDI ევროპის გუნდის ინიციატივის, „დაბალანსებული ტერიტორიული განვითარებისთვის“, ნაწილია. ინიციატივა  2023 წელს დაიწყო და მას ესტონეთი (ელექტრონული მმართველობის აკადემია/eGA) და პოლონეთი (სოლიდარობის ფონდი /SFPL) ახორციელებენ.

პროექტი ადგილობრივ განვითარებასა და ეკონომიკურ ზრდას საქართველოს სოფლებსა და ქალაქებს შორის ციფრული უთანასწორობის შემცირებით შეუწყობს ხელს. ეს მიზანი კავშირგაბმულობის ინფრასტრუქტურისა და ციფრული წიგნიერების გაუმჯობესებით მიიღწევა.

პროექტის პრეზენტაციას ესწრებოდნენ სამოქალაქო საზოგადოების, ადგილობრივი ხელისუფლების, ბიზნესისა და სახელმწიფო უწყებების წარმომადგენლები, ასევე გურიის რეგიონის ახალგაზრდა და სამოქალაქო ლიდერები და ადგილობრივი მოსახლეობა.

პრეზენტაციის შემდეგ გაიმართა ციფრული გამოფენა, რომელზეც სტუმრები ისეთ მრავალფეროვან აქტივობებში ჩაერთნენ, როგორიცაა ვირტუალურ სამყაროში მოგზაურობა VR სათვალეების მეშვეობით, სემინარი რობოტიკაზე, დრონების შოუ და ვიქტორინები ევროკავშირისა და მისი წევრი ქვეყნების შესახებ. მათ ასევე შეიტყვეს, თუ როგორ უწყობს ხელს ევროკავშირის მხარდაჭერა გაციფრულების პროცესს საქართველოს რეგიონებში.

დამატებითი ინფორმაცია

პრესრელიზი