ევროკავშირი საქართველოში მუნიციპალურ მონაცემთა შეგროვების მეთოდთა დახვეწას უჭერს მხარს
თებერვალი 14, 2023

ევროკავშირი საქართველოში მუნიციპალურ მონაცემთა შეგროვების მეთოდთა დახვეწას უჭერს მხარს


ევროკავშირის, დანიისა და გაეროს განვითარების პროგრამის (UNDP) ხელშეწყობით, საქართველოს სტატისტიკის ეროვნულმა სააგენტომ (საქსტატი) სპეციალიზებული პორტალი, regions.geostat.ge, შექმნა. პორტალი საქსტატის საჯარო ვებსაიტის ნაწილია და მომხმარებელს ინფორმაციას საქართველოს 64 მუნიციპალიტეტის შესახებ აწვდის.

პორტალზე ეკონომიკური, სოციალური და დემოგრაფიული მდგომარეობის შესახებ ინფორმაცია 82 ინდიკატორის მიხედვითაა განთავსებული. მათგან 52 ინდიკატორი ეყრდნობა საქართველოს საჯარო უწყებების მიერ მოწოდებულ ცნობებს, ხოლო დანარჩენი — საქსტატის მიერ ჩატარებული სტატისტიკური კვლევების შედეგებს.

პროექტის მიზნებია: მუნიციპალურ მონაცემთა შეკრების მეთოდთა დახვეწა, არსებული სტატისტიკური ინფორმაციის სისტემატიზაცია, ახალი სტატისტიკური ინდიკატორების განსაზღვრა და შეკრება და მომხმარებლისთვის მუნიციპალურ დონეზე არსებულ სტატისტიკაზე წვდომის გაუმჯობესება.

„ევროკავშირი ზრუნავს საქართველოს რეგიონების განვითარებაზე, რათა ყველა ადამიანს მიუწვდებოდეს ხელი შესაძლებლობებსა და მომსახურებებზე. ამისი საფუძველი ცხადი, გასაგები და სანდო სტატისტიკური მონაცემებია“, — განაცხადა კოლომბ დე მერსიმ საქართველოში ევროკავშირის წარმომადგენლობიდან, — „საქსტატის ახალი პლატფორმა პოლიტიკოსებსა და ადგილობრივ ხელისუფლებებს დაეხმარება, მიიღონ ინფორმირებული გადაწყვეტილებები თავიანთ რეგიონებში მცხოვრები ადამიანების საკეთილდღეოდ“.

UNDP საქსტატს ევროკავშირის მიერ დაფინანსებული პროგრამის, ევროკავშირი ინტეგრირებული ტერიტორიული განვითარებისთვის (EU4ITD), მეშვეობით ეხმარება. პროგრამა საქართველოს რეგიონებში დაბალანსებულ ტერიტორიულ განვითარებას და ცხოვრების სტანდარტის გაუმჯობესებას უწყობს ხელს. 

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,