ევროკავშირი: საქართველომ რუსეთის სახიფათო თვითმფრინავები თავის ტერიტორიაზე არ უნდა დაუშვას
ევროკავშირმა საქართველოს მოუწოდა, შეუერთდეს საავიაციო სექტორში ევროკავშირის სანქციებს რუსეთის წინააღმდეგ და არ დაუშვას არასაიმედო რუსული თვითმფრინავები თავის ტერიტორიაზე. ამის შესახებ განცხადება ევროკავშირის წარმომადგენელმა, პიტერ სტანომ 11 მაისს ბრიუსელში გამართულ პრესკონფერენციაზე გააკეთა.
10 მაისს რუსეთის ხელისუფლებამ საქართველოსთან ავიამიმოსვლის აკრძალვა მოხსნა.
პიტერ სტანომ განცხადებაში ხაზი გაუსვა, რომ უკრაინის წინააღმდეგ რუსეთის უკანონო აგრესიის გამო ევროკავშირმა და რიგმა სხვა ქვეყნებმა რუსეთის ავიაციას სანქციები დაუწესეს და არ უშვებენ ფრენებს რუსეთიდან, რუსეთში ან მისი ტერიტორიის თავზე.
„ევროკავშირი მოუწოდებს საქართველოს, რომელიც მიისწრაფვის, გახდეს ევროკავშირის წევრობის კანდიდატი ქვეყანა, შეუერთდეს ევროკავშირის და სხვა ქვეყნების სანქციებს რუსეთის წინააღმდეგ საავიაციო სექტორში და ყურადღებით იყოს სანქციების გვერდის ავლის ნებისმიერ შესაძლო მცდელობასთან დაკავშირებით“, — განაცხადა სტანომ.
მან ასევე დაურთო, რომ ევროკავშირის სანქციების გამო რუსეთის საჰაერო ფლოტის 95%-ს აღარ შეუძლია თავისი თვითმფრინავების განახლება და მოდერნიზება, რაც აუცილებელია საერთაშორისო ტექნიკური და უსაფრთხოების სტანდარტების შესანარჩუნებლად. ამის გათვალისწინებით, სტანომ ხაზი გაუსვა, რომ საქართველომ არ უნდა დაუშვას სახიფათო რუსული თვითმფრინავები ქვეყნის ტერიტორიაზე.
დამატებითი ინფორმაცია
ყველაზე წაკითხული
თემაზე
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ევროკავშირისა და გაეროს მხარდაჭერით საქართველო ჰაერის ხარისხის მონიტორინგის ქსელს აფართოებს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
