ევროკავშირი რუსეთთან ავიამიმოსვლის აღდგენაზე საქართველოს გადაწყვეტილებასთან დაკავშირებით წუხილს გამოთქვამს
ევროკავშირი წუხილს გამოთქვამს საქართველოს გადაწყვეტილებაზე, აღადგინოს რუსეთთან ფრენები მას მერე, რაც რუსეთმა გასულ კვირას ავიამიმოსვლის აკრძალვის მოხსნა გადაწყვიტა. ამის შესახებ განცხადება საგარეო საქმეთა და უსაფრთხოების პოლიტიკის საკითხებში ევროკავშირის პრესსპიკერმა 16 მაისს გამართულ პრესკონფერენციაზე გააკეთა.
აღნიშნული გადაწყვეტილება საქართველოს მთავრობამ მიიღო იმ კონტექსტში, როცა უკრაინის წინააღმდეგ რუსეთის უკანონო ომის გამო ევროკავშირმა და რიგმა სხვა ქვეყნებმა რუსეთის ავიაციას სანქციები დაუწესეს და აკრძალეს ფრენები რუსეთიდან, რუსეთში ან მისი ტერიტორიის თავზე.
„ეს ნაბიჯი შეშფოთებას იწვევს საქართველოს ევროკავშირისკენ სვლისა და ევროკავშირთან საგარეო პოლიტიკის სფეროში შესაბამისობის ვალდებულების თვალსაზრისით, რაც ევროკავშირი-საქართველოს ასოცირების შეთანხმებით არის გათვალისწინებული“, — განაცხადა პიტერ სტანომ.
„სამწუხაროდ, ევროკავშირის ერთიანი საგარეო და უსაფრთხოების პოლიტიკის (CFSP) გადაწყვეტილებებსა და დეკლარაციებთან საქართველოს მიერთების მაჩვენებელი შარშანაც დაბალი 44%-იდან წელს, ამდროინდელი მონაცემებით, კიდევ უფრო, 31%-მდე შემცირდა“, — დაურთო მან.
განცხადებაში ასევე ხაზგასმულია, რომ გაეროს სამოქალაქო ავიაციის საერთაშორისო ორგანიზაციამ (ICAO) რუსეთის თვითმფრინავების უსაფრთხოებასთან დაკავშირებით სერიოზული შეშფოთება გამოხატა.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
