ევროკავშირი კეთილსინდისიერებისთვის: ახალი პროგრამა აღმოსავლეთ პარტნიორობის ქვეყნებში კორუფციასთან ბრძოლას და ღია მმართველობას დაუჭერს მხარს
ევროკავშირი იწყებს ახალ პროგრამას, ევროკავშირი კეთილსინდისიერებისთვის (EU for Integrity), რომლის მიზანია, დაეხმაროს აღმოსავლეთ პარტნიორებს ღია მმართველობის გამაძლიერებელი რეფორმების განხორციელებასა და კორუფციასთან ბრძოლაში. პროგრამის დაწყება 20 მაისს ოფიციალური ონლაინ ღონისძიებით აღინიშნება.
ევროკავშირის მიერ დაფინანსებულ სამწლიან პროგრამას ეკონომიკური თანამშრომლობის და განვითარების ორგანიზაცია (OECD) და ღია მმართველობის პარტნიორობა (OGP) განახორციელებენ.
გახსნის ღონისძიებაზე სიტყვით გამოვლენ სპიკერები ევროკავშირიდან, ეკონომიკური თანამშრომლობის და განვითარების ორგანიზაციიდან, ღია მმართველობის პარტნიორობიდან, ეროვნული ხელისუფლებებიდან და სამოქალაქო საზოგადოებრივი ორგანიზაციებიდან. მასზე დასწრების მსურველებს კი რეგიონში ღია მმართველობის რეფორმების საკითხებზე გამართულ დისკუსიაში ჩართვის შესაძლებლობა მიეცემათ.
საქართველოსა და აღმოსავლეთ პარტნიორობის დანარჩენ ხუთ ქვეყანაში — აზერბაიჯანში, ბელარუსში, მოლდოვის რესპუბლიკაში, სომხეთსა და უკრაინაში — კანონის უზენაესობა, დემოკრატიული ინსტიტუტების ეფექტიანი ფუნქციონირება და აქტიური სამოქალაქო საზოგადოება დემოკრატიული განვითარებისთვის გადამწყვეტი ელემენტებია. ამ მიზნების წარმატებით შესასრულებლად პროგრამა, ევროკავშირი კეთილსინდისიერებისთვის, მხარს დაუჭერს პარტნიორ ქვეყნებს მტკიცებულებაზე დამყარებული ანტიკორუფციული პოლიტიკის გატარებასა და ანტიკორუფციული კანონმდებლობის აღსრულებაში. ამისათვის ის ქვეყნებს ამ სფეროებში მიღწეული პროგრესის აღმნუსხავი ინსტრუმენტებით მოამარაგებს. გარდა ამისა, პროგრამა მთავრობებს და სამოქალაქო საზოგადოებებს ღია მმართველობის პარტნიორობის მიერ შემუშავებულ იმ სამოქმედო გეგმათა განხორციელებაშიც დაეხმარება, რომელთა მიზანიც ქვეყნებს შორის თანამშრომლობის გაძლიერების გზით მნიშვნელოვანი რეფორმების გატარებაა.
გახსნის ღონისძიება Zoom-ში 20 მაისს, თბილისის დროით 18:00 საათზე ჩატარდება. ის ინგლისურ ენაზე წარიმართება, მსურველებს კი რუსული თარგმანის მოსმენაც შეეძლებათ. ღონისძიებაზე დასასწრებად რეგისტრაცია უკვე დაწყებულია.
დამატებითი ინფორმაცია
ინფორმაცია გახსნის ღონისძიების შესახებ
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
