ევროკავშირი და UNDP ლაგოდეხში თანასწორობისა და კლიმატგონივრული განვითარების თემაზე ახალგაზრდულ ფესტივალს მართავენ

6-7 ოქტომბერს ლაგოდეხში გამართულ ფესტივალზე, „ადამიანი და პლანეტა“, ასზე მეტი ახალგაზრდა შეიკრიბა. ღონისძიება დაეთმო ისეთ მნიშვნელოვან თემებს, როგორიცაა ადამიანის უფლებები, თანასწორობა, კლიმატგონივრული განვითარება და საქართველოს ევროპული მისწრაფებები.  

ფესტივალის ორგანიზატორები იყვნენ ევროკავშირი და გაეროს განვითარების პროგრამა (UNDP), ლაგოდეხის მუნიციპალიტეტთან თანამშრომლობით.

ღონისძიებაზე წარმოჩნდა, თუ როგორ ეხმარება ევროკავშირი საქართველოსა და მის მოქალაქეებს. კერძოდ, ფესტივალის დამსწრეებს გააცნეს ის რამდენიმე საკვანძო ინიციატივა, რომელიც ევროკავშირის დაფინანსებითა და UNDP-ის უშუალო ჩართულობით ხორციელდება. 

ფესტივალის პროგრამა ასევე მოიცავდა სხვადასხვა აქტივობას, მათ შორის სხვადასხვა თამაშს, ფოტოგრაფიის მასტერკლასს ახალგაზრდა ხელოვანებისათვის და ევროკავშირის მხარდაჭერით ორგანიზებული სერიის, „საუბრები უფლებებსა და თავისუფლებებზე“, მორიგ დისკუსიას, რომელიც ამჯერად განათლების უფლების თემას დაეთმო.

დამატებით, ლაგოდეხის თოჯინების თეატრმა სპექტაკლის, „ზოგჯერ თქმითაც დაშავდების“, პრემიერა გამართა. ესაა საგანმანათლებლო სპექტაკლი, რომელიც ყველა ასაკის მაყურებელს გასაგები და სახალისო ფორმით უხსნის პერსონალური მონაცემების დაცვისა და ციფრული უსაფრთხოების მნიშვნელობას. 

ფესტივალი დაიხურა პარაოლიმპიური სპორტული თამაშის, ბოჩას ამხანაგური მატჩით, რომელშიც ერთმანეთს ლაგოდეხისა და სიღნაღის შეზღუდული შესაძლებლობის მქონე პირთა გუნდები შეხვდნენ. 

დამატებითი ინფორმაცია

პრესრელიზი