ევროკავშირი და UNDP იმერეთში ნარჩენების უკეთ მართვას უჭერენ მხარს
ევროკავშირი და გაეროს განვითარების პროგრამა (UNDP) იმერეთის რეგიონის თორმეტ მუნიციპალიტეტსა და ნარჩენების მმართველ თუ შემფუთველ ორგანიზაციებს შორის ხელმოწერილ პარტნიორულ შეთანხმებას უჭერენ მხარს. შეთანხმების მიზანი ნარჩენების მართვის უკეთესი, უფრო ეფექტიანი და მდგრადი სისტემის ჩამოყალიბებაა.
„პარტნიორობის ჩამოყალიბება კერძო და საჯარო სექტორებს შორის ნარჩენების სეპარაციის, შეგროვებისა და გადამუშავების მიზნით უმნიშვნელოვანესია ცირკულარული ეკონომიკის გასაძლიერებლად“, — ნათქვამია UNDP-ის პრესრელიზში.
ინიციატივას მხარი დაუჭირა „ევროკავშირის ინოვაციურმა პროექტმა კერძო სექტორის კონკურენტუნარიანობისთვის საქართველოში“, რომელსაც ევროკავშირი აფინანსებს და UNDP ახორციელებს. პროექტი ნაწილია EU4Business პროგრამის, რომელიც საქართველოში კერძო სექტორის განვითარებას უწყობს ხელს.
პარტნიორულ შეთანხმებას ხელი მოაწერეს თორმეტმა მუნიციპალიტეტმა, მსოფლიო შეფუთვების ორგანიზაციამ (WPO), შესაფუთი მასალების ნარჩენების მწარმოებელთა გაერთიანება „ჯორჯია ფლასმა“, PMAG შემფუთველთა კლასტერმა და საქართველოს ნარჩენების მართვის ასოციაციამ (WMA Georgia).
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
