ევროკავშირი და საქართველო ნარკოტიკებისა და წამალდამოკიდებულების მონიტორინგის შესახებ ახალ სამუშაო შეთანხმებას აწერენ ხელს
6 სექტემბერს საქართველომ და ევროპის ნარკოტიკებისა და წამალდამოკიდებულების მონიტორინგის ევროპულმა ცენტრმა (EMCDDA) სამუშაო შეთანხმებას მოაწერეს ხელი. შეთანხმება ორ მხარეს შორის ნარკოტიკებისა და წამალდამოკიდებულების სფეროში თანამშრომლობას განამტკიცებს.
ახალი დოკუმენტი ნარკოტიკების მონიტორინგისა და ანგარიშგების საკითხებში ინფორმაციის გაცვლას და კომპეტენციის ამაღლებას შეუწყობს ხელს. მისივე მეშვეობით, მხარეები შეძლებენ გამოცდილების გაზიარებას ნარკოტიკებთან დაკავშირებული ჯანმრთელობისა და სოციალური ზიანის საპასუხო ქმედებების შესახებ (იქნება ეს პრევენცია, მკურნალობა, ზიანის შემცირება თუ სოციალური ინტეგრაცია).
გარდა ამისა, შეთანხმება 2020 წელს დაარსებული საქართველოს ნარკოვითარების მონიტორინგის ეროვნული ცენტრის გაძლიერებასა და ახალი ფსიქოაქტიური ნივთიერებების (NPS) შესახებ ადრეული გაფრთხილების ეროვნული სისტემის განვითარებას შეუწყობს ხელს.
ნარკოტიკების საკითხზე საქართველო ამჟამად ევროკავშირის მიერ დაფინანსებულ ორ პროექტში მონაწილეობს. ეს პროექტებია: ორმხრივი ტექნიკური თანამშრომლობის პროექტი, EMCDDA4Georgia (EMCDDA4GE), რომელიც მიზნად ისახავს სახელმწიფოს პასუხის გაუმჯობესებას ნარკოტიკებთან დაკავშირებულ ჯანმრთელობის და უსაფრთხოების რისკებზე; და „ევროკავშირი ნარკოვითარების მონიტორინგისთვის“ (EU4MD).
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
