ევროკავშირი და მსოფლიო ბანკი სამოქალაქო დაცვის გასაძლიერებლად ახალ მექანიზმს ქმნიან
29 თებერვალს ევროკომისიამ აამოქმედა ფინანსური მხარდაჭერის ახალი ინსტრუმენტი, რომლის მიზანიც ევროკავშირში და მის ფარგლებს გარეთ— მათ შორის საქართველოში — კატასტროფების პრევენციისა და მათთვის მზადყოფნის გაუმჯობესებაა.
ტექნიკური დახმარების დაფინანსების მექანიზმი კატასტროფების პრევენციისა და მათთვის მზადყოფნისთვის (TAFF) ევროკავშირის სამოქალაქო დაცვის მექანიზმის (UCPM) ნაწილს წარმოადგენს.
ის მხარს უჭერს კატასტროფებისა და კლიმატის ცვლილებისადმი გამძლეობის გამომუშავების ხელშემწყობ პროექტებს, კვლევებსა და ტრენინგებს და ქვეყნებს შორის კატასტროფის რისკების მართვაზე ცოდნის გაზიარებას.
მსოფლიო ბანკი აქტივობებს ევროკომისიის დაფინანსებით განახორციელებს. TAFF-ის საწყისი ბიუჯეტი 2024 წლისთვის 6 მილიონ ევროს შეადგენს.
ამ ფინანსური ინსტრუმენტის საშუალებით სამოქალაქო დაცვის უწყებები გაზრდიან კატასტროფების საპრევენციო ტექნიკურ შესაძლებლობებს და უკეთ აღიჭურვებიან მომხდარ კატასტროფებთან გასამკლავებლად.
მექანიზმი მოიცავს შემდეგ ქვეყნებს: ევროკავშირის წევრი სახელმწიფოები, UCPM-ში მონაწილე ქვეყნები (მათ შორის მოლდოვა და უკრაინა) და საქართველო და კოსოვო — იმის გათვალისწინებით, რომ ისინი UCPM-ში გაწევრიანების პროცესს გადიან.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
