ევროკავშირი და GITA საქართველოში ტექნოლოგიური სექტორის გასაძლიერებლად ახალ პროექტს იწყებენ

6 ნოემბერს თბილისში საქართველოს ინოვაციების და ტექნოლოგიების სააგენტოს (GITA) ორგანიზებული და ევროკავშირის დაფინანსებული ახალი პროექტის, Do IT with the EU, გახსნის ღონისძიება გაიმართა.

პროექტის მიზანია საქართველოს IT სექტორის ტრანსფორმაცია მსოფლიო დონის სტანდარტების ინტეგრირებით, უნარების განვითარებითა და საქართველოს მოქალაქეებისთვის დასაქმების შესაძლებლობების შექმნით.

ევროკავშირის მხარდაჭერით, საქართველოს 1 300-ზე მეტი მოქალაქე გადამზადდება მსოფლიო ბაზარზე ყველაზე მოთხოვნად და მაღალანაზღაურებად პროფესიებში, როგორებიცაა: კიბერუსაფრთხოება, მონაცემთა მეცნიერება, Cloud სერვისები, პროექტის მართვა და სხვა. საინფორმაციო ტექნოლოგიების 1000-ზე მეტ IT სპეციალისტს  მიეცემა საშუალება, მოიპოვოს საერთაშორისო სერტიფიკატი, ხოლო 300 IT სპეციალისტი მიიღებს  დასაქმების უნიკალურ შესაძლებლობას, რის შედეგადაც საერთაშორისო ბაზარზე კონკურენტუნარიანი გახდება.

„პროექტი, Do IT with the EU, საქართველოს ტექნოლოგიური განვითარებისთვის განსაკუთრებით მნიშვნელოვანია. მისი მთავარი მიზანი ქვეყანაში ინოვაციების ხელშეწყობა და სამუშაო ადგილების ზრდაა“, — განაცხადა ევროკავშირის ელჩმა საქართველოში, პაველ ჰერჩინსკიმ თბილისში გამართულ პროექტის წარდგენის ღონისძიებაზე.

დამატებითი ინფორმაცია

პრესრელიზი