ევროკავშირი და გაეროს განვითარების პროგრამა აღმოსავლეთ პარტნიორობის ქვეყნებში პროექტის,  „მერები ეკონომიკური ზრდისთვის“, ახალ ეტაპს იწყებენ  

გაეროს განვითარების პროგრამამ ევროკავშირის მიერ დაფინანსებული 2021-2024 წლების მექანიზმის, „მერები ეკონომიკური ზრდისთვის“, ახალი ეტაპის განხორციელება დაიწყო. პროექტი აღმოსავლეთ პარტნიორობის ქვეყნების  საშუალო ზომის ქალაქების  ადგილობრივ  მმართველობებთან მდგრადი განვითარების ინოვაციური გზების პოვნის საკითხში ითანამშრომლებს.

მექანიზმის ფარგლებში ქალაქებისთვის ხელმისაწვდომი იქნება დაფინანსება, რომელიც პანდემიის კრიზისიდან ეკომეგობრული გზებით გამოსვლას მოხმარდება. ამასთან, ჩატარდება ტრენინგები და კომპეტენციის ამამაღლებელი თუ ინოვაციური ზრდის სტრატეგიების შესახებ ცოდნის გამზიარებელი ღონისძიებები. ამ ყველაფრის შედეგად კი შემუშავდება ახალი თაობის ადგილობრივი ეკონომიკური განვითარების და ურბანული მდგრადობის გეგმები. 

 ადგილობრივი ეკონომიკური განვითარების გეგმების მქონე ქალაქებს იმ კონკურსებში მონაწილეობის საშუალება ექნებათ, რომელთა საერთო ბიუჯეტი 14 მილიონი ევროა. ამ კონკურსთაგან უახლოესებია: 

• ინტერესის გამომხატველ პორტფოლიოთა მიღება  (2021 წლის ივნის–ივლისი), რომელსაც მოჰყვება წინადადებების მიღება, დაახლოებით 2.8 მილიონი ევროს ოდენობის საერთო ბიუჯეტით. ამ კონკურსების გამოცხადება ყოველწლიურადაა დაგეგმილი.
• ინოვაციური წინადადებების ყოველწლიური მიღება (2021 წლის შემოდგომა), დაახლოებით 1.2 მილიონი ევროს ოდენობის საერთო ბიუჯეტით.

ადგილობრივი განვითარების ინოვაციური მეთოდების შესახებ სასწავლო მასალები ქსელის ყველა წევრისთვის ახალი ურბანული სწავლების ცენტრში იქნება ხელმისაწვდომი.

დამატებითი ინფორმაცია

პრესრელიზი

მექანიზმის, „მერები ეკონომიკური ზრდისთვის“, 2021-2024 წლების პროგრამის მოკლე მიმოხილვა