ევროკავშირი აფხაზეთში საზღვაო ბაზის შექმნაზე რუსეთის გეგმების გამო ძლიერ შეშფოთებას გამოთქვამს
6 ოქტომბერს ევროკავშირმა ძლიერი შეშფოთება გამოხატა რუსეთის მიერ გავრცელებული გეგმების გამო, რომლებიც საქართველოს თვითგამოცხადებულ რეგიონში, აფხაზეთში შავი ზღვის ფლოტის მუდმივი საზღვაო ბაზის შექმნას გულისხმობს.
ევროკავშირის განცხადებით, საქართველოს თვითგამოცხადებულ რეგიონებში, აფხაზეთსა და სამხრეთ ოსეთში, რუსეთის შეიარაღებული ძალების ყოფნა უკანონოა. ეს არღვევს საქართველოს სუვერენიტეტსა და ტერიტორიულ მთლიანობას, საერთაშორისო სამართლის პრინციპებსა და რუსეთის მიერ აღიარებულ საერთაშორისო ვალდებულებებს, მათ შორის 2008 წლის 12 აგვისტოს შეთანხმებასა და ამ შეთანხმების განმახორციელებელი ზომების შესახებ 2008 წლის 8 სექტემბერს ხელმოწერილ დოკუმენტს.
„თუ რუსეთი გააგრძელებს ხსენებული გეგმების განხორციელებას, ეს კიდევ უფრო გაზრდის დაძაბულობას და რეგიონში სტაბილურობას მეტ საფრთხეს შეუქმნის“, — ნათქვამია საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის პრესსპიკერის, პიტერ სტანოს მიერ გამოქვეყნებულ განცხადებაში.
იმავე განცხადებაში კიდევ ერთხელ ხაზგასმულია, რომ ევროკავშირი კვლავ მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას ქვეყნის საერთაშორისოდ აღიარებულ საზღვრებში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
