EU4Youth პროგრამა ახალგაზრდების დასაქმებისა და მეწარმეობის წასახალისებლად აღმოსავლეთ პარტნიორობის ქვეყნებში 9 პროექტს იწყებს
ივლისი 5, 2023

EU4Youth პროგრამა ახალგაზრდების დასაქმებისა და მეწარმეობის წასახალისებლად აღმოსავლეთ პარტნიორობის ქვეყნებში 9 პროექტს იწყებს


EU4Youth პროგრამის მიერ საგრანტო სქემის ფარგლებში შერჩეული ცხრა პროექტის დასაწყებად 4-6 ივლისიდან თბილისში შეხვედრა გაიმართება. 

ევროკავშირის მიერ თანადაფინანსებული პროგრამის, EU4Youth-ის საგრანტო სქემის მიზანია, აღმოსავლეთ პარტნიორობის ექვსი ქვეყნის — აზერბაიჯანის, ბელარუსის, მოლდოვის რესპუბლიკის, საქართველოს, სომხეთისა და უკრაინის ახალგაზრდებს კარიერულ წინსვლასა და დასაქმებაში დაეხმაროს. 

6 მილიონი ევროს საერთო ბიუჯეტის მქონე გრანტები გადაეცა ცხრა პროექტს იმ აქტივობათა განსახორციელებლად, რომელთა მიზანიც ახალგაზრდების, განსაკუთრებით კი სოციალურად დაუცველი პირების, გაძლიერებაა. 

პროგრამა მოიცავს მრავალფეროვან აქტივობებს, რომელთა დახმარებითაც ახალგაზრდები შეიძენენ საჭირო უნარებსა და გამოიყენებენ ახალ შესაძლებლობებს. ამ აქტივობებში შედის მენტორობა და ტრენინგის პროგრამები, პრაქტიკული სწავლება, ცენტრების დაარსება და ახალგაზრდული ბაზრობების მოწყობა, ინოვაციური მეთოდების შემუშავება და სხვა. 

ევროპის განათლების ფონდის თანახმად, აღმოსავლეთ პარტნიორობის რეგიონის ქვეყნებისთვის ნიშნეულია მოსახლეობის დაბერება, მზარდი მობილობა, დასაქმების შედარებით მაღალი მაჩვენებლები, ახალი სამუშაო შესაძლებლობების გაჩენა და მოსახლეობის განათლების მაღალი მაჩვენებელი. 2021 წლის მონაცემებით, ახალგაზრდებს შორის უმუშევრობის ყველაზე მაღალი მაჩვენებელი საქართველოში (30.76%) და სომხეთში (36.09%) არის. აზერბაიჯანში 15-24 წლის ახალგაზრდების 16.49%-ზე მეტია დაუსაქმებელი, ბელარუსში ეს რიცხვი 10.4%-ს უტოლდება, ხოლო მოლდოვაში — 9.13%-ს. უკრაინაში უმუშევრობის მაჩვენებელი 2021 წელს 19.11%-ს უდრიდა, თუმცა ქვეყანაში რუსეთის შეჭრის გამო ეს რიცხვი მნიშვნელოვნად გაიზარდა

EU4Youth-ის თანახმად, ამ ზაფხულს დაწყებული საგრანტო პროექტები რეგიონში ახალგაზრდების უმუშევრობის შემცირებაზე იმუშავებენ. ამას ისინი სოციალური მეწარმეობის წახალისებითა და კარიერული წინსვლისა და დასაქმების მიმართულებით ახალგაზრდების მხარდაჭერით მიაღწევენ.

პროგრამა ხელს შეუწყობს ახალგაზრდებზე ფოკუსირებულ ორგანიზაციათა შორის კავშირების დამყარებას და ისეთი ინოვაციური მეთოდების შემუშავებას, რომლების დახმარებითაც ახალგაზრდებს მოქნილი საგანმანათლებლო შესაძლებლობები მიეცემათ. ამ გზით ისინი ახალ უნარებსა და ცოდნას მათთვის ხელსაყრელი ტემპით შეიძენენ. ეს განსაკუთრებით ხელსაყრელი მათთვის იქნება, ვისაც გეოგრაფიული ან ფინანსური შეზღუდვები აქვს.

პროექტები ასევე უზრუნველყოფს იმ ინფრასტრუქტურასა და რესურსებს, რაც ახალგაზრდების მიერ მეწარმეობის დაწყებისთვისაა საჭირო. 

პროექტების მართვის ცენტრალური სააგენტოს (CPMA) მიერ განხორციელებული EU4Youth-ის ახალგაზრდების დასაქმებისა და მეწარმეობის პროგრამის მესამე ფაზა ფინანსდება ევროკავშირისა და ლიეტუვის საგარეო საქმეთა სამინისტროს მიერ. აღმოსავლეთ პარტნიორობის ქვეყნებზე განსაზღვრული ამ ინიციატივის მთავარი მიზანია იმ სამთავრობო და არასამთავრობო ორგანიზაციების ტექნიკური მხარდაჭერა, რომლებიც ახალგაზრდების დასაქმებისა და მეწარმეობის საკითხებზე მუშაობენ. 



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,