EU4Climate: თბილისში კლიმატის ცვლილების გავლენის თემაზე გამოფენა მოეწყო
18-19 მარტს არასამთავრობო ორგანიზაციამ Climate Basics და ხელოვანთა ჯგუფმა Collective Failure გამოფენა მოაწყვეს. ინიციატივას ევროკავშირმა და გაეროს განვითარების პროგრამამ EU4Climate პროგრამის ფარგლებში დაუჭირეს მხარი.
გამოფენაზე, „უჩინართა მიწები“, ინსტალაციების, ნახატების, ტექსტილური ნამუშევრების, ვიდეოხელოვნებისა თუ პერფორმანსული ხელოვნების ენით წარმოჩნდა, როგორ აღრმავებს კლიმატის ცვლილება არსებულ უთანასწორობებს და აუარესებს საზოგადოების ყველაზე მარგინალიზებული ჯგუფების მდგომარეობას.
„გამოფენა გვიყვება, თუ როგორ ანგრევს სამყაროს კლიმატის ცვლილებით გამოწვეული კატასტროფები, დაბინძურება თუ ბუნებრივი რესურსების არამდგრადი მართვა; და როგორ აისახება ეს ხშირად ფარული, თუმცა ყოველთვის მწვავე გავლენა ყველაზე მოწყვლად და დაუცველ ჯგუფებზე — ქალებზე, ბავშვებზე, სოციალურად თუ ეკონომიკურად დაუცველ ადამიანებზე“, — ვკითხულობთ საქართველოში ევროკავშირის წარმომადგენლობის ფეისბუქის გვერდზე.
გამოფენაზე წარმოდგენილი ნამუშევრების ხელოვან და აქტივისტ ავტორთა შორის იყვნენ დავით კუხალაშვილი, ნათია საპანაძე, ფილიპე გრეჩულევიჩი, სალომეია ბაუერი, ვეარ მიშელი, Tutasay, „ნინას არტი“, ნიკა მუსერიძე და Zoya Baboo. გამოფენილ ნამუშევართა უმრავლესობა სპეციალურად ამ პროექტისთვის შეიქმნა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
