ელჩი ჰარცელი გორში ევროკავშირის მწვანე ინიციატივებს გაეცნო
ევროკავშირის ელჩი საქართველოში, კარლ ჰარცელი ევროკავშირის მიერ დაფინანსებული და კავკასიის გარემოსდაცვითი არასამთავრობო ორგანიზაციათა ქსელის (CENN) მიერ გორში განხორციელებული მწვანე ინიციატივების წარმომადგენლებს შეხვდა.
ელჩი ინოვაციური ცოდნის ჰაბში ახალგაზრდებს გაესაუბრა და მათთან გორში დაგეგმილი სოციალური კამპანიები და მწვანე ეკონომიკური ინიციატივები განიხილა.
ის ასევე ესტუმრა გორის სოციალურ საწარმო „ლიდერს“ – ერთ-ერთ პირველ კომპანიას რეგიონში, რომელმაც ქსოვილების ნარჩენების გადამუშავების სტრატეგია შეიმუშავა. ამჟამად საწარმო თვეში ორ ტონა ისეთ ქსოვილს ამუშავებს, რომელიც ნარჩენებში უნდა მოხვედრილიყო. კომპანიას ევროკავშირი „EU4Youth: სოციალური მეწარმეობის ეკოსისტემის განვითარების“ (SEED) პროექტისა და EU4Business პროგრამის ფარგლებში დაეხმარა.
კარლ ჰარცელმა აღნიშნა, რომ ევროკავშირი ადგილობრივ ბიზნესთან თანამშრომლობაზე ფოკუსირდება, რათა კომპანიებს საქმიანობის გაუმჯობესებაში, ახალი იდეების შემუშავებასა და ახალი სამუშაო ადგილების შექმნაში შეუწყოს ხელი. „პროექტები, რომლებსაც მე დღეს CENN-თან ერთად ვეწვიე, ამ ძალისხმევის შესანიშნავი მაგალითია, რისი ნაწილიცაა დაუცველი ჯგუფების წევრებისათვის შრომის ბაზრის ხელმისაწვდომობის გაზრდა“, – განაცხადა ელჩმა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
