EFSE საქართველოს სოფლებში კრედიტების ადგილობრივ ვალუტაში გაცემას უწყობს ხელს

ევროპული ფონდი სამხრეთ-აღმოსავლეთ ევროპისთვის (EFSE) თავის ახალ პარტნიორს, მიკროსაფინანსო ორგანიზაცია „ლაზიკა კაპიტალს“ 2.5 მილიონი აშშ დოლარის ეკვივალენტს ლარში გამოუყოფს. თანხა მცირე და საშუალო საწარმოებს — მათ შორის, ინდივიდუალურ მეწარმეებს, ფერმერებსა და სასოფლო-სამეურნეო პროდუქციის მწარმოებლებს საქართველოს სოფლებში — ადგილობრივ ვალუტაში ფინანსებზე წვდომას გაუადვილებს. 

დაფინანსების ქართულ ლარში მიღებით, მიკრო და მცირე მეწარმეები შეძლებენ, გრძელვადიან პერსპექტივაში გააუმჯობესონ ბიზნესის სიცოცხლისუნარიანობა და სტაბილურობა ისე, რომ დაცულები იყვნენ ვალუტის კურსის მერყეობისგან.

EFSE-ს საბჭოს თავმჯდომარემ, კლაუს მიულერმა განაცხადა, რომ „ეს ინვესტიცია გაზრდის ‘ლაზიკა კაპიტალის’ უნარს, დააფინანსოს ნაკლებად უზრუნველყოფილი ჯგუფები. ამით კი ის ხელს შეუწყობს EFSE-ს მისიას, რომელიც რეგიონში ეკონომიკური კეთილდღეობის მხარდაჭერას ითვალისწინებს“.

დამატებითი ინფორმაცია

პრესრელიზი