EFSE საქართველოს ბანკთან პარტნიორობას 20 მილიონი ევროს საკრედიტო ინვესტიციით აფართოებს
26 თებერვალს საინვესტიციო ფონდმა, ევროპული ფონდი სამხრეთ-აღმოსავლეთ ევროპისთვის (EFSE), განაცხადა, რომ თავის გრძელვადიან სტრატეგიულ პარტნიორს, საქართველოს ბანკს 10-წლიანი სუბორდინირებული სესხის სახით 20 მილიონი ევროთი უზრუნველყოფს.
ინვესტიცია საქართველოს ბანკის კაპიტალის პოზიციას განამტკიცებს, რაც მას საშუალებას მისცემს, გაზარდოს მიკრო, მცირე და საშუალო საწარმოებისთვის (MSME) განკუთვნილი სესხები. კერძოდ, ის მხარს დაუჭერს მდგრად კომპანიებს და ქალების საკუთრებაში არსებულ თუ ქალების მიერ მართულ საწარმოებს, რათა ხელი შეუწყოს საქართველოში ბიზნესის განვითარებას, გენდერულ თანასწორობასა და მდგრად განვითარებას.
„მიკრო, მცირე და საშუალო საწარმოები მნიშვნელოვან როლს ასრულებს საქართველოს ეკონომიკაში და ჩვენ ვამაყობთ, რომ ამ ინვესტიციით მხარს ვუჭერთ ქვეყნის მდგრად და ინკლუზიურ ეკონომიკურ ზრდას — ისევე, როგორც მის ინტეგრაციას რეგიონულ და გლობალურ ბაზრებზე“, — განაცხადა EFSE-ს რეგიონულმა დირექტორმა, ოქსანა ბინზარუმ.
„ეს მექანიზმი საშუალებას გვაძლევს, გავაგრძელოთ ჩვენი მომხმარებლების მხარდაჭერა და, ამასთანავე, კაპიტალის ძლიერი პოზიცია შევინარჩუნოთ“, — აღნიშნა საქართველოს ბანკის გენერალურმა დირექტორმა, არჩილ გაჩეჩილაძემ.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
