ევროპის რეკონსტრუქციისა და განვითარების ბანკმა (EBRD) კომპანია „თბილსერვის ჯგუფისთვის“ 22 მილიონი ევროს ოდენობის სესხის გამოყოფის გადაწყვეტილება მიიღო. თანხა თბილისის მყარი ნარჩენების მართვისა და მოცილების სისტემის გაუმჯობესებას მოხმარდება.
გაცემული სესხით თბილისში ნარჩენების გადამამუშავებელი პირველი ქარხნის აშენება დაფინანსდება. ინიციატივა EBRD-ის მწვანე ქალაქების პროგრამის ფარგლებში განხორციელდება. სესხი თანადაფინანსებულია მწვანე კლიმატის ფონდის მიერ, რომელიც 4 მილიონამდე ევროს შეღავათიანი პირობებით გასცემს.
პროექტი პრიორიტეტს მიანიჭებს ნარჩენების სანიტარული ნაგავსაყრელიდან გადამისამართებას ნარჩენების სრულფასოვნად გადასამუშავებლად. ეს მოიცავს მექანიკურ-ბიოლოგიურ გადამუშავებას და რეციკლირებადი მასალების აღდგენას. ამგვარი სისტემა სათბური აირების გამოყოფას მნიშვნელოვნად შეამცირებს (72 პროცენტით, საბაზისო ნიშნულთან შედარებით) და ზოგადად გააუმჯობესებს ქალაქის გარემოს.
„ევროპის რეკონსტრუქციისა და განვითარების ბანკი ჩვენს ქალაქში უმნიშვნელოვანეს პროექტებს აფინანსებს. ამ პროექტებიდან ერთ-ერთი თბილისში ნარჩენების გადამამუშავებელი პირველი ქარხნის აშენებაა, რისთვისაც 26 მილიონი ევროა გამოყოფილი“, — განაცხადა თბილისის მერმა, კახა კალაძემ, — „ეს საფუძველს ჩაუყრის ნარჩენების სეპარირებულ შეგროვებას და გადამუშავებას საქართველოში, რაც თბილისის მოქალაქეებისა და გარემოსთვის უმნიშვნელოვანესი წინ გადადგმული ნაბიჯია“.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,