EBRD „ნოვას“ სადებიუტო ობლიგაციების გამოშვებაში ინვესტიციას დებს
ევროპის რეკონსტრუქციისა და განვითარების ბანკი (EBRD) საქართველოს ბაზარზე სამშენებლო და სარემონტო მასალების წარმოებისა და საცალო ვაჭრობის მიმართულებით წამყვანი კომპანიის, „ნოვას“ მიერ ადგილობრივ ვალუტაში გამოშვებულ სადებიუტო ობლიგაციებში 10 მილიონ ლარამდე (3.2 მილიონი ევრო) ინვესტიციას დებს.
24 დეკემბერს ბანკმა განაცხადა, რომ 50 მილიონი ლარის (16 მილიონი ევრო) ობლიგაციები საქართველოს საფონდო ბირჟაზე განთავსდება. ობლიგაციების მოქმედების ვადა ხუთი წელი იქნება. მოზიდული სახსრები კაპიტალური დანახარჯებისა და სამუშაო კაპიტალის დაფინანსებას და არსებული სესხების რეფინანსირებას მოხმარდება.
„ეს ტრანზაქცია ‘ნოვასთვის’ მნიშვნელოვანი ეტაპია და საქართველოს კაპიტალის ბაზრების განვითარების მხრივ მნიშვნელოვან ნაბიჯს წარმოადგენს“, ნათქვამია EBRD-ის პრესრელიზში, „’ნოვა’, რომელიც 2006 წელს სახურავის მასალების მწარმოებლად დაარსდა, დღეს საქართველოში სამშენებლო მასალების წარმოებისა და საცალო ვაჭრობის მიმართულებით ერთ-ერთ წამყვან კომპანიად არის ქცეული“.
ფინანსირების უზრუნველყოფის გარდა, EBRD „ნოვას“ კორპორაციული მართვის სამოქმედო გეგმის განხორციელებაშიც დაეხმარება. ეს მოიცავს დირექტორთა საბჭოს მუშაობის, შიდა კონტროლისა და ეთიკური სტანდარტების გაძლიერებას, რაც „ნოვას“ საუკეთესო სამუშაო პრაქტიკების გამყარებაში დაეხმარება.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
