EBRD-მა სამოქალაქო საზოგადოების ორგანიზაციის მმართველი კომიტეტისთვის საქართველოდან არასამთავრობო ორგანიზაცია შეარჩია
ევროპის რეკონსტრუქციისა და განვითარების ბანკმა (EBRD) თავისი პირველი სამოქალაქო საზოგადოების ორგანიზაციის (CSO) მმართველი კომიტეტი შეარჩია. კომიტეტი EBRD-ის რეგიონებში მოქმედი 13 საერთაშორისო არასამთავრობო და სამოქალაქო საზოგადოების ორგანიზაციისგან შედგება, რომელთა შორისაც საქართველოს ბუნების მკვლევართა კავშირი „ორქისიც“ მოხვდა.
CSO-ს მმართველი კომიტეტი ბანკს ქვეყნისა და სექტორული საჯარო კონსულტაციების შესახებ რჩევებით მოამარაგებს და გააღრმავებს EBRD-ის ჩართულობას ადგილობრივი სამოქალაქო საზოგადოების ორგანიზაციების საქმიანობაში. კომიტეტი ასევე კოორდინაციას გაუწევს CSO პროგრამას EBRD-ის ყოველწლიური შეხვედრისა და ბიზნესფორუმის განმავლობაში.
„EBRD სამოქალაქო საზოგადოების ორგანიზაციებთან დიალოგს უდიდეს მნიშვნელობას ანიჭებს. მმართველი კომიტეტის ჩამოყალიბება მორიგი ნაბიჯია იმ თემებზე თანამშრომლობის გაღრმავებისკენ, რომლებიც არსებითია მდგრადი ეკონომიკური განვითარებისთვის ბანკის რეგიონებში“, — განაცხადა EBRD-ის პრეზიდენტმა, ოდილ რენო-ბასომ.
კომიტეტს მანდატი 2025 წლის ბოლომდე გაუგრძელდება, რის მერეც მომდევნო CSO-ს მმართველი კომიტეტი შეირჩევა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
