EBRD ქობულეთსა და ბათუმში მყარი ნარჩენების მართვის გაუმჯობესებას შეუწყობს ხელს
ევროპის რეკონსტრუქციისა და განვითარების ბანკი (EBRD) აჭარის რეგიონში მყარი ნარჩენების გადამუშავების სფეროს დააფინანსებს. „აჭარის ნარჩენების მართვის კომპანიისთვის“ გამოყოფილი 19 მილიონამდე ევროს ოდენობის სესხი ტურისტული რეგიონის მოსახლეობისა და დამსვენებლების წინაშე არსებული მნიშვნელოვანი ეკოლოგიური პრობლემის მოგვარებას მოხმარდება.
3 მილიონამდე ევროს ოდენობის პირველი ტრანში მყარი ნარჩენების მართვის აღჭურვილობის შესაძენად იქნება გამოყენებული. ეს ნარჩენების იმ ნაგავსაყრელებზე გატანის აღკვეთას შეუწყობს ხელს, რომლებიც ევროკავშირის მოთხოვნებს არ აკმაყოფილებს.
16 მილიონამდე ევროს ოდენობის მეორე ტრანში ნარჩენების გადამამუშავებელი ახალი საწარმოს აშენებას მოხმარდება. საწარმო სესხის მიმღებ კომპანიას საშუალებას მისცემს, მეორადი გამოყენებისთვის გადაამუშაოს ის ნარჩენები, რომლებიც ამ პროცესს ემორჩილება.
ინვესტიცია ბათუმისა და ზოგადად აჭარის რეგიონისთვის პრიორიტეტულ საჭიროებებს გადაჭრის. კერძოდ, შეწყდება ნარჩენების ქობულეთის და ბათუმის არსებულ ნაგავსაყრელებზე გატანა — აღსანიშნავია, რომ ეს უკანასკნელი საქართველოში დაბინძურების უდიდეს და ყველაზე საშიშ წყაროს წარმოადგენს. „ეს ნაგავსაყრელები მიწის, წყლისა და ჰაერის დაბინძურების აქტიური წყაროებია, რომლებიც გავლენას ახდენს კონკრეტულად რეგიონის და ზოგადად შავის ზღვის ეკოსისტემაზე“, — ნათქვამია EBRD-ის განცხადებაში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
