EBRD და ევროკავშირი ქართულ კომპანიებს პროკრედიტ ბანკის დახმარებით დაუჭერენ მხარს
28 დეკემბერს ევროპის რეკონსტრუქციისა და განვითარების ბანკმა (EBRD) და ევროკავშირმა განაცხადეს, რომ პროკრედიტ ბანკს 10 მილიონი აშშ დოლარის (9 მილიონი ევროს) ოდენობის სესხს გადასცემენ. თანხა საქართველოში მოქმედი მიკრო, მცირე და საშუალო ზომის საწარმოებს მოხმარდება.
დაფინანსება ადგილობრივი კომპანიების პროდუქტებისა და სერვისების მოდერნიზებას შეუწყობს ხელს, რათა მათ ევროკავშირის სტანდარტების დაკმაყოფილება, კონკურენტუნარიანობის გაზრდა და საერთაშორისო სავაჭრო შესაძლებლობების გამოყენება შეძლონ. სესხის სულ მცირე 70 პროცენტი მწვანე ტექნოლოგიებში ინვესტირებისთვისაა განკუთვნილი. მსესხებლებს შეეძლებათ, გააუმჯობესონ გარემოს დაცვის პრაქტიკა და რესურსების ეფექტიანობა, გაზარდონ პროდუქტის ხარისხი და დახვეწონ ჯანდაცვისა და უსაფრთხოების ზომები.
მსესხებლები, რომლებიც ინვესტიციებს წარმატებით განახორციელებენ, მიიღებენ უფლებას, მოიპოვონ სესხის 15%-მდე ოდენობის წამახალისებელი გრანტები. ისინი ასევე მიიღებენ ტექნიკურ მხარდაჭერას ინვესტირების პროცესის განმავლობაში.
დაფინანსება EU4Business-EBRD საკრედიტო ხაზის ნაწილია. პროგრამა აღმოსავლეთ პარტნიორობის რეგიონში მოქმედებს. ის ხელს უწყობს ინვესტიციებს მოწინავე ტექნოლოგიებსა და პროცესებში და საუკეთესო პრაქტიკის წახალისებას, რათა მცირე და საშუალო ზომის საწარმოებმა კონკურენტუნარიანობის გაუმჯობესება შეძლონ.
დამატებითი ინფორმაცია
ყველაზე წაკითხული
თემაზე
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
