EBRD კრედო ბანკს სესხის სახით 16 მილიონ დოლარს გამოუყოფს
ევროპის რეკონსტრუქციისა და განვითარების ბანკი (EBRD) კრედო ბანკს ადგილობრივ ვალუტაში დენომინირებული 16 მილიონი დოლარის მოცულობის ფინანსური პაკეტით უზრუნველყოფს.
პაკეტიდან 10 მილიონ დოლარამდე თანხა განკუთვნილია მიკრო, მცირე და საშუალო საწარმოებზე სესხის გასაცემად, რაც მიზნად ადგილობრივი კომპანიების მიერ ინვესტიციების განხორციელების ხელშეწყობას ისახავს. 4 მილიონი დოლარის ოდენობის სესხი კი EBRD-ის პროგრამის, ქალები ბიზნესში, ფარგლებში გაიცემა. აღნიშნული პროგრამა ხელს უწყობს ქალების ჩართულობას ბიზნესში, რაც ქალების მიერ მართული კომპანიებისთვის ფინანსებზე და საკონსულტაციო მომსახურებებზე წვდომის გამარტივებით მიიღწევა. საქართველოში პროგრამას მხარს ევროკავშირი და შვედეთი უჭერენ.
გარდა ამისა, კრედო ბანკი EU4Business-EBRD საკრედიტო ხაზის ფარგლებში მიიღებს 2 მილიონ დოლარს, რაც მცირე ბიზნესებს თანამედროვე, მწვანე ტექნოლოგიაში ინვესტირებას შეაძლებინებს. ეს კი, თავის მხრივ, კომპანიებს ქვეყნის შიგნით და მის გარეთაც მეტად კონკურენტუნარიანს და სტაბილურს გახდის. საინვესტიციო პროექტების წარმატებით განხორციელების შემდეგ, მსესხებლები მიიღებენ გრანტებს და ტექნიკურ დახმარებას, რასაც ევროკავშირი თავისი ინიციატივის, EU4Business ფარგლებში დააფინანსებს.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
