COVID-19: ევროპის გუნდმა პარტნიორებს 2020-2021 წლებში პანდემიის დასამარცხებლად 47.7 მილიარდი ევრო გამოუყო

მას შემდეგ, რაც 2020 წლის პირველ თვეებში COVID-19-ის პანდემია დაიწყო, ევროკავშირმა, მისმა წევრმა სახელმწიფოებმა და ფინანსურმა ინსტიტუტებმა ევროპის გუნდის სახელით პარტნიორ ქვეყნებს უპრეცედენტო დახმარება გაუწიეს. კერძოდ, ეს სახელმწიფოები ევროპის გუნდმა პანდემიით გამოწვეული პრობლემების მოსაგვარებლად 47.7 მილიარდი ევროთი უზრუნველყო.

ევროკომისიის პრესრელიზის თანახმად, ეს რიცხვი გაცილებით აღემატება ევროპის გუნდის თავდაპირველ, 2020 წლის გაზაფხულზე შეთანხმებულ 20 მილიარდი ევროს მოცულობის პაკეტს, რომელიც ახლა 53.7 მილიარდ ევრომდეა გაზრდილი.

2021 წლის 31 დეკემბრის მდგომარეობით, ევროკავშირის სამეზობლოს რეგიონს, რომელიც ევროკავშირის 16 აღმოსავლეთ (აზერბაიჯანი, ბელარუსი, მოლდოვის რესპუბლიკა, საქართველო, სომხეთი და უკრაინა) და სამხრეთ მეზობელს მოიცავს, შეპირებული 15.6 მილიარდი ევროდან 13.6 მილიარდი ევრო აქვს მიღებული.

დამატებითი ინფორმაცია

პრესრელიზი