არასრულწლოვანთა მართლმსაჯულების პროფესიონალები ბავშვის უფლებების შესახებ სპეციალიზებულ ცოდნას დაეუფლნენ
მარტი 23, 2022

არასრულწლოვანთა მართლმსაჯულების პროფესიონალები ბავშვის უფლებების შესახებ სპეციალიზებულ ცოდნას დაეუფლნენ


საქართველოს არასაპატიმრო სასჯელთა აღსრულებისა და პრობაციის ეროვნული სააგენტოს 50-ზე მეტმა პროფესიონალმა ოთხდღიან სასწავლო პროგრამაში მიიღო მონაწილეობა. ცოდნისა და უნარების ასამაღლებელი პროგრამა კანონთან კონფლიქტში მყოფ ბავშვებთან, ასევე ძალადობაგანცდილ და დანაშაულის მოწმე ბავშვებთან მუშაობის საკითხებს მიეძღვნა.  

პროგრამა ევროკავშირისა და გაეროს ბავშვთა ფონდის არასრულწლოვანთა მართლმსაჯულების პროფესიონალების სპეციალიზაციის ხელშემწყობი ერთობლივი ინიციატივის ფარგლებში იყო ორგანიზებული. ტრენინგი საქართველოს იუსტიციის სასწავლო ცენტრთან პარტნიორობით განხორციელდა. 

მნიშვნელოვანია, რომ ადგილობრივი ექსპერტები სიღრმისეულად იცნობდნენ განრიდების მექანიზმს, რომელიც სისხლის სამართლის წარმოების ალტერნატივად გამოიყენება და არასრულწლოვანთა მართლმსაჯულების სისტემის ქვაკუთხედია. ეს მექანიზმი აძლევს ბავშვებს შესაძლებლობას, გააცნობიერონ თავიანთი ქმედებების შედეგები და მიიღონ მხარდაჭერა, რომელიც მათ დაეხმარება, აღარ ჩაიდინონ დანაშაული განმეორებით. 

ტრენინგი ევროკავშირის მიერ მხარდაჭერილი სამწლიანი პროექტის, „ბავშვთა დაცვის სისტემების და მომსახურებების გაძლიერება საქართველოში“, ფარგლებში განხორციელდა. მისი მიზანია პროფესიონალთა კვალიფიკაციის ამაღლება ცენტრალურ თუ მუნიციპალურ დონეზე და საქართველოში მცხოვრები ბავშვებისა და მათი ოჯახების დახმარება და დაცვა. 

დამატებითი ინფორმაცია 

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,